«Дуальды оқытуды енгізу: университет пен бизнестің дайындығы» бойынша декандары мен кафедра меңгерушілеріне арналған семинарды ЖОО-да Стратегия және даму департаменті ұйымдастырды.
«Дуальды оқыту-біздің университеттің стратегиялық даму бағыттарының бірі. Бүгінгі таңда дуальды оқытуды енгізудің әртүрлі тәсілдері қолданылады, сондықтан біз басқа ЖОО-дағы әріптестерімізді тәжірибе алмасуға шақырдық. Қазақстанда 2012 жылдан бастап дуальды оқыту белсенді түрде енгізіле бастады. Осыған байланысты бірқатар нормативтік-құқықтық актілер бар. Біз де осы жылдан бері бұл міндетті жандандырып келеміз. Алда үлкен жаһандық жоспарлар бар», - деді Стратегия және даму департаментінің директоры Марина Погребицкая.
Қозыбаев университетінде дуальды оқыту жүйесі білім беру бағдарламасының ерекшелігіне байланысты жүзеге асырылады. Студенттер теорияны ЖОО-да алып, ал практикалық сабақтар кәсіпорындардың жұмыс орындарында өткізіледі. Бұл ретте пәннің оқу материалының кемінде 30% - ы тікелей өндірісте игеріледі. Ұйымда білім алушыларға оқытудың практикалық жағына жетекшілік ететін білікті тәлімгер бекітіледі. Мұндай тәжірибеге бағытталған тәсіл студенттерге таңдалған мамандықты тереңірек білуге мүмкіндік береді, олардың кәсіби дағдыларын, командада жұмыс істеу қабілетін арттырады.
А. Байтұрсынов ат. Қостанай өңірлік университетінде дуальды білім беруді енгізу тәжірибесі туралы проректор Эльмира Наурызбаева айтып берді. Ал SDU University сапа мониторингі департаментінің директоры Гүлназ Тоғызбаева Beta Career университеттік цифрлық платформасының жұмысына егжей-тегжейлі тоқталды, онда осы ЖОО-ның серіктес ұйымдары, жұмыс берушілері туралы барлық деректер жинақталған. Осы бағдарламаның арқасында оқу бітіруші курс студенттері соңғы семестрде практикадан өту арқылы жұмысқа орналасу мүмкіндігіне ие болады
