Сыртқы академиялық ұтқырлық бағдарламасының конкурсына қатысуға өтініштерді қабылдау туралы

Академиялық ұтқырлық бөлімі 2022-2023 оқу жылының көктемгі семестрінде Еуропа, Оңтүстік-Шығыс және Орталық Азия және ТМД елдерінің жоғары оқу орындарына сыртқы академиялық ұтқырлық бағдарламасына қатысуға білім алушылардың құжаттарын қабылдауды жалғастыратынын хабарлайды. Құжаттарды қабылдау кезеңі 2022 жылғы 31 қазанға дейін.

Талап етілетін құжаттардың тізімі:

1) білім алушының нысаны бойынша өтініші;

2) сауалнама;

3) Қазақстан Республикасы азаматы паспортының көшірмесі;

4) ағымдағы үлгерім туралы транскрипт/транскрипт болмаған жағдайда бағалары бар алдыңғы білімі туралы құжаттардың көшірмелері (1-курс студенттері мен магистранттары үшін);

5) шет тілін меңгеру деңгейін растайтын құжат:

- шет тілін білуді бағалаудың халықаралық жүйелері арқылы алынған сертификат (IELTS, TOEFL, DUOLINGO official);

6) медициналық анықтама (шетелге шығатын адам үшін);

7) 18 жасқа толмаған кезде шетелге шығуға үміткердің ата-аналарының, қамқоршыларының, заңды өкілдерінің жазбаша келісімі (нотариалды куәландырылған);;

8) ұсыным хат;

9) фото 3*4; 2 дана.

10) 300 сөзге арналған дәлелді хат (Еуропа және Оңтүстік-Шығыс Азия елдері үшін ағылшын тілінде, ТМД елдері үшін орыс тілінде);

11) студент отбасының көп балалы екендігін растау үшін отбасы құрамы туралы құжат;

12) студентте ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер санаты үшін (бар болса);

13) студенттің мүгедектігін растайтын құжат (бар болса).

Құжаттарды қабылдау мәселелері бойынша № 2 ОК 201 кабинетіне академиялық ұтқырлық бөліміне хабарласыңыз. Тел. 8 7152 36 94 24.