Университетте диплом тапсыру салтанаты басталды

Бүгін Kozybayev University диплом тапсыру салтанаты басталды. Алғашкы күні ПФ және ИСТФ түлектері жоғары білім туралы құжаттарын алды. Шамамен 520 түлек диплом алды. Олардың 28-і магистратураны аяқтады. Салтанатты рәсім жоғары оқу орнының басты сахнасында өтті.
«Қазақстан Республикасының Президенті Қасым-Жомарт Тоқаев жүргізіп отырған саясатқа сәйкес жоғары білікті кадрлар даярлауға, заманауи технологияларды дамытуға және әділ, инновациялық әрі бәсекеге қабілетті мемлекет құруға ерекше мән беріледі. Дәл осы стратегиялық міндеттерді жүзеге асыру сіздерге жүктеледі. Алған білімдеріңіз болашақтағы жетістіктеріңіздің берік іргетасына айналсын! Уақыттың сын-тегеуріндерін батыл қабылдаңыздар, ең өршіл идеяларды жүзеге асырудан қорықпаңыздар, кәсіби дағдыларыңызды ұдайы жетілдіріп, жоғары адамгершілік қағидаттарына адал болыңыздар», – деді академиялық мәселелер жөніндегі басқарма мүшесі Айгүл Нұрпейісова.
Биыл Kozybayev University 1550 түлек бітіреді. Олардың 1278– бакалавриат, 188– магистратура, 84– интернатура түлектері. Олар еліміздің барлық өңірлерінен келген, олардың ішінде 16 шетелдік азамат бар. ЖОО тарихында алғаш рет University of Arizona университетімен бірлесіп жүзеге асырылып жатқан білім беру бағдарламаларының түлектері диплом алады.
Алда тағы үш күн бар. 8 шілдеде ТЭҚФ мен МЖҒФ, 9 шілдеде ТжӘИ, 10 шілдеде МФ мен АФ диплом тапсыру рәсімдері өтеді.
Ал 11 шілдеде Петропавлдың басты алаңында ЖОО-ны үздік тәмамдаған түлектер мен университет белсенділеріне арналған SAMGAU – 2026 салтанатты рәсімі өтеді.
Барлық түлектерімізге табыс, қызықты мүмкіндіктер мен өзін-өзі жүзеге асыру жолында сәттілік тілейміз! Сәттілік, шабыт және жаңа жетістіктер серік болсын!