Kozybayev University оқытушылары Қазан қаласында алты айлық тағылымдамадан өтеді
1 қазанда Kozybayev University-дің екі ғалымы Қазан (Приволжск) федералдық университетінде ғылыми тағылымдамадан өту үшін Қазан қаласына аттанды.
«География және экология» кафедрасының меңгерушісі, биология ғылымдарының кандидаты Бану Доскенова және «Математика және физика» кафедрасының меңгерушісі, физика-математика ғылымдарының кандидаты Асқар Тәжігітов «Болашақ» халықаралық стипендиясын тағайындауға арналған «Ғылыми тағылымдамалар» бағдарламасы бойынша байқаудың жеңімпаздары атанды.
Ғалымдар ресейлік жоғары оқу орнында «Жоғары және жоғары оқу орнынан кейінгі білім берудің өзекті мәселелері» бағыты бойынша тағылымдамадан өтеді. Алты ай ішінде олар оқу-әдістемелік әдебиеттерді зерделеп, бірқатар семинарларға қатысып, зерттеліп отырған бағыттағы халықаралық тәжірибемен танысуды жоспарлап отыр. Тағылымдама қорытындысы бойынша ғылыми мақалалар әзірленіп, өзекті тақырыптар бойынша зерттеулер жүргізіледі.
«Зерттеуімнің мақсаты - заманауи цифрлық құралдарды пайдалана отырып, студенттердің климаттық және экологиялық сауаттылығын арттыруға бағытталған жоғары білім беру жүйесіндегі экологиялық білім берудің инновациялық моделін ғылыми тұрғыдан негіздеу және әзірлеу», - деді Бану Доскенова.
Әріптестерімізге тағылымдаманы сәтті өткізіп, алға қойған барлық мақсат-міндеттерін жүзеге асыруларына тілектеспіз!