Академик Манаш Қозыбаевтың шығармашылығы мен мұрасына арналған видеороликтер байқауы!
Университетте ауқымды медиажоба байқауы басталады. Бұл кез-келген қатысушыға шығармашылық және аналитикалық қабілеттерін көрсетуге, тарихқа үңіліп, ой саралап, бақ сынап, ақшалай сыйлық алуға зор мүмкіндік.
Байқаудың мақсаты: Көрнекті ғалым М.Қозыбаевтың ғылыми, педагогикалық және публицистикалық мұрасын насихаттау, сондай-ақ талантты авторларды қолдау және сапалы контент жасау дағдыларын дамыту.
Жүлде қоры: Жалпы жүлде қоры — 600 000 теңге!
- 1-орын — 300 000 теңге
- 2-орын — 200 000 теңге
- 3-орын — 100 000 теңге
Кімдер қатыса алады?
Байқауға университеттің білім алушылары қатыса алады. Жеке немесе шығармашылық топ құрып (3 адамнан аспайтын) қатысуға болады.
Формат және жұмысқа қойылатын талаптар:
- Форматы: Бейнесюжет немесе деректі шағын фильм.
- Хронометражы: 1 минуттан 3 минутқа дейін.
- Тілі: қазақша немесе орысша.
Тақырыбы: Ғалымның өмір жолы мен кәсіби қызметі, ғылыми және педагогикалық үлесі, публицистикалық мұрасы, идеяларының қоғамға әсері немесе мұрағат материалдары мен әріптестерінің естеліктері арқылы берілген тұлғалық портреті.
Жұмыс төлтума, бұрын жарияланбаған және шынайы дереккөздерге (мұрағаттар, сұхбаттар, жарияланымдар) негізделген болуы тиіс.
Маңызды күндер:
- Өтінімдерді қабылдау: 2026 жылдың 21 қазаны мен 1 қараша аралығында.
- Комиссияның жұмыстарды бағалауы: 2026 жылдың 9 қарашасы.
- Жеңімпаздарды марапаттау: 2026 жылдың 13 қарашасында өтетін форум аясында.
Өтінімді қайда жіберу керек?
Құжаттар жиынтығын (өтініш, қатысушы туралы мәліметтер және жоба сипаттамасы) мына электрондық поштаға жіберу қажет:
- Мемлекеттік тілдегі қатысушылар үшін: krahmet@ku.edu.kz
- Орыс тіліндегі қатысушылар үшін: maponomarenko@ku.edu.kz
Өз шығармашылығыңызды көрсетіп, тарихты сақтауға үлес қосыңыз! Ереже мен толық мәліметтерді ұйымдастырушылардан нақтылауға болады.