Спорт клубы ПОҚ арасында шахмат біріншілігін өткізді

"Сұңқар" спорт клубы 6-7 қазан аралығында М.Қозыбаев атындағы СҚМУ профессорлық-оқытушылар құрамы арасында Мұғалімдер күніне арнап шахмат біріншілігін өткізді. Бұл жарысқа 5 команда қатысты.  

Қайсар күрестен соң командалық бірінші орынды жаратылыстану ғылымдары және спорт және ақпараттық технологиялар факультеттері иеленсе, тіл және әдебиет институты үшінші орында.

Жеке құрамда келесілер жеңімпаз атанды: ерлер арасында -  "География және экология" кафедрасының доценті Пашков С.В., қыздар арасында "Ақпараттық технологиялар" кафедрасының меңгерушісі Шевчук Е.В.

Жеңімпаздарды құттықтай отыра, келесі жылы жаз мезгілінде өтетін облыстық жарыстарда лайықты ойын көрсетсін деп тілейміз.

[gallery_229]