Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Бос жұмыс орындар жәрмеңкесі

2022 жылы Қозыбаев университеті түлектерінің 79%-ы жұмысқа орналасып, мансабын құра бастады. Бос орындар жәрмеңкелері жас мамандарды жұмысқа орналастыруда септеседі. Бұл іс-шаралар жыл сайын университет түлектеріне арналады.

Бұл жолы жәрмеңкеге тарих, экономика және құқық, математика және жаратылыстану ғылымдары, инженерлік және сандық технологиялар, сонымен қатар агротехнологиялық факультеттерінің 4 курс студенттері қатысты. Жалпы барлығы  920-дан астам білім алушы.

Қаламыздан және СҚО-дан 20-ға жуық жұмыс берушілер жас кадрларға қызығушылық танытты. Бұл зауыттар, агроөнеркәсіптік және өңдеуші кәсіпорындар, сақтандыру компаниялары, банктер, риэлторлық агенттіктер, IT-фирмалар және т.б. Студенттер компания өкілдерімен тіл табысып, түйіндемелерін қалдырып,  талаптар және жұмысқа орналасу критерийлері туралы біле алды.

Студенттерді қажетті тәжірибелік дағдылармен қаруландыру үшін жұмыс берушілер білім беру бағдарламаларын қалыптастыруға тікелей қатысады, дәрістер жүргізеді, аттестаттау комиссияларының мүшелері болып табылады. Көптеген студенттер кәсіпорындарда тағылымдамадан өту кезінде өздерін ынталы жұмысшы ретінде танытады. Мұның бәрі студенттерге оқу кезінде болашақ жұмыс орнын таңдауға мүмкіндік береді.

Енді педагогикалық және медицина саласындағы студенттер үшін осындай іс-шаралар ұйымдастырылады.

14.12.2022