Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
Жатақханаға орналасуға өтінім беру
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Әскери кафедрада оқу үшін конкурстық іріктеуге қатысу құжаттарын қабылдауды бастау туралы

М. Қозыбаев атындағы Солтүстік Қазақстан университетінің әскери кафедрасы 2024 жылғы 05 ақпаннан бастап конкурстық іріктеуге қатысу үшін құжаттарды қабылдаудың басталғаны туралы хабарлайды.

Құжаттар 2024 жылғы 20 мамырға дейін жұмыс күндері сағат 09.00-ден 17.30-ға дейін 7 корпус (әскери кафедра) 104 кабинетте қабылданады.

Іріктеу комиссиясының жұмысы 2024 жылғы 17-28 маусым аралығында жоспарланған.

Қосымша ақпарат: 8(7152)36-94-56, 87024184496.


Әскери кафедраға түсу ережелері 

Запастағы офицерлер бағдарламасы бойынша әскери даярлау өтеусіз (мемлекеттік білім беру тапсырысы бойынша) және ақылы негізде, запастағы сержанттар бағдарламасы бойынша – ақылы негізде ҚК-нің, басқа да әскерлер мен әскери құралымдардың жұмылдыру қажеттілігін негізге ала отырып, ҚР ҚМ қабылдау жоспарына, сондай-ақ әскери оқытылған резервті жинақтау қажеттілігіне сәйкес жүргізіледі.

Ақылы негіздегі әскери дайындық үшін оқыту құнын ЖЖОКБҰ айқындайды.

Конкурсқа қатысуға конкурс өтетін жылы 24 жастан аспаған Қазақстан Республикасының азаматтары – ЖЖОКБҰ-да күндізгі оқыту нысаны бойынша оқитын студенттер жіберіледі.

Запастағы офицерлерді даярлау бағдарламасы бойынша оқу үшін құжаттар бірінші (3 және 4 жылдық оқумен) және екінші (5 жылдық оқумен) курс студенттерінен қабылданады.

Запастағы сержанттарды даярлау бағдарламасы бойынша оқу үшін құжаттар бірінші, екінші (4 жылдық оқумен) және бірінші, екінші, үшінші (5 жылдық оқумен) курс студенттерінен қабылданады.

Мерзімді қызмет өткерген студенттер медициналық куәландырудан өткеннен кейін өтеусіз негізде (мемлекеттік білім беру тапсырысы бойынша) конкурстан тыс әскери даярлауға жіберіледі.

Іріктеу комиссиясы әскери кафедрада оқыту үшін студенттерді іріктеуді Қазақстан Республикасының Қорғаныс министрі бекітетін қабылдау жоспарына сәйкес конкурс негізінде жүргізеді.

Әскери кафедрада оқу үшін конкурсқа қатысуға ниет білдірген студент нысан бойынша өтінішті және конкурстық іріктеуге қатысу үшін  құжаттар тізбесіне сәйкес құжаттарды тапсырады:

  1. Өтініш;
  2. Жеке куәлік (түпнұсқасы мен көшірмесі);
  3. 3х4 өлшемді 4 фотосурет;
  4. Соттылығының болуы не болмауы туралы анықтама;
  5. Факультетті және мамандығын көрсете отырып, ЖЖОКБҰ-да нақты оқитыны туралы анықтама;
  6. Файл (мультифор) – 1 дана.

Құжаттарды қабылдағаннан кейін әскери кафедра студентке құжаттарды қабылдағаны туралы қолхат және медициналық куәләндіру картасын (7-нысан) береді.

Әскери кафедрада оқу үшін студенттерді іріктеу үшін конкурс төрт кезеңде жүзеге асырылады:

бірінші кезең – Қазақстан Республикасы Қорғаныс министрінің 2020 жылғы 21 желтоқсандағы №716 бұйрығымен бекітілген Қазақстан Республикасының Қарулы Күштерінде әскери-дәрігерлік сараптаманы жүргізу қағидаларына және әскери-дәрігерлік сараптама комиссиялары туралы ережеге сәйкес медициналық куәландырудан өту;

Студенттерді медициналық куәландыру қабылдау жылының 1 ақпанынан бастап жергілікті әскери басқару органдарында жүргізіледі. 

Медициналық куәландырудан өтпеген студенттер конкурсқа жіберілмейді.

екінші кезең – кәсіби-психологиялық тестілеу жүргізу;

Студенттерді кәсіби-психологиялық тестілеу ЖЖОКБҰ-ның компьютерлік сыныптарында өткізіледі және ерік-жігері, күйзеліске төзімділік, сыни және қисынды ойлау деңгейін тексеруді қамтиды.

үшінші кезең – дене шынықтыру дайындығын тексеру;

Студенттердің дене шынықтыру дайындығы дене шынықтыру бойынша нормативтерді тапсыру нәтижесімен бағаланады. Үш нормативті тапсыру жиынтығы бойынша 9 балл жинамаған студенттер конкурс кезеңінен өтпеген болып саналады. 

Дене дайындығы бойынша нормативтер 

Студент-жігіттер үшін

р/с

Бақылау жаттығулары

Балл

«5»

«4»

«3»

1

100 м (с) жүгіру

14,2

14,5

15,0

2

3000 м (мин) жүгіру

13,00

15,00

16,00

3

Биік белағашқа тартылу (тартылу саны)

12

10

8

  

Студент-қыздар үшін

р/с

Бақылау жаттығулары

Балл

«5»

«4»

«3»

1

100 м (с) жүгіру

16,0

16,5

17,0

2

2000 м (мин) жүгіру

10,00

11,3

12,2

3

Шалқасынан жатқан күйде, қолын желкесіне қоюмен, денені көтеру (көтеру саны)

25

20

15

төртінші кезең – ЖЖОКБҰ-ның басшысы жасайтын және бекітетін рейтингілік балл есебіне сәйкес жүзеге асырылатын конкурстық іріктеу.

Конкурстың әрбір кезеңінен бір рет өтуге рұқсат етіледі.

26.12.2023
Яндекс.Метрика