Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
Жатақханаға орналасуға өтінім беру
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Жатақхана мониторингі

«Жастар рухы» ЖҚ СҚОФ және AMANAT партиясының «Болашақ» филиалының өкілдері Қозыбаев университетінің қызметкерлерімен және студенттік белсенділерімен бірлесіп, жатақханалар бойынша рейд жүргізді. Мониторинг барысында тексерушілер, үй-жайлардың техникалық жағдайымен, инфрақұрылымның қолжетімділігімен, тұрмыстық жайлылықпен, санитарлық-гигиеналық нормалардың сақталуымен, өрт қауіпсіздігімен танысты. Әр қабатта асүйлердің, жуынатын бөлмелердің жағдайы тексерілді. Барлық ғимараттар жақсы жылытылады. Бос уақытты тиімді өткізуге арналған алаңдар бар. Роутердың арқасында әр қабатта тегін wi-Fi орнатылған.

ЖОО-да барлығы 1365 орындық 4 жеке жатақхана бар. Театральная көшесі, 36 мекен-жайы бойынша жатақхана қосымша жалға алынды.

«Бүгінгі таңда бізде барлық білім алушылар жатақханамен қамтылған. Тіпті бос орындар қарастырылған. Себебі төртінші курс студенттері бөлмелерін босатады. Жоспар бойынша келесі жылы 1200 орындық екі жатақхана берілмек. Студенттердің жүз пайызы баспанамен қамтамасыз етіледі деп үміттенеміз», - деп атап өтті Тәрбие жұмысы, әлеуметтік мәселелер және жұмыс берушімен өзара әрекеттесу мәселелері жөніндегі Басқарма мүшесі Ақмарал Тұрғалеева.

Жыл сайын жатақханаларға ағымдағы жөндеу жұмыстары жүргізіледі. Биыл ол тұрғын үй-жайларға берілген 10-шы  ғимараттың  қабаттарында өткізілді, жаңа жиһаз және тұрмыстық техника сатып алынды. Сондай-ақ, №2 жатақханада терезе блоктары жаңа бірнеше қабатты терезелерге ауыстырылып, жуынатын бөлмелер жөнделді. Комиссия мүшелерінің айтуынша, мұндай рейдтер университеттің студенттік жатақханаларында және СҚО-ның 24 колледжінде жылына бірнеше рет өткізіледі.

06.02.2024
Яндекс.Метрика