"Өнер" орталығы- Студенттер клубы жанынан құрылған бірнеше бағытта жұмыс жасайтын студенттер үйірмесі.
Орталық 2021 жылы өз жұмысын бастады. Негізін қалаушы және жетекшісі- ҚР мәдениет саласының үздігі, айтыскер ақын, Жарқын Жұпархан.
Мұнда студенттер жазба ақындық, айтыс, дәстүрлі ән, эстрадалық ән, мәнерлеп оқу, шешендік өнер бағыттары бойынша өз өнерлерін шыңдай алады. "Өнер" орталығының тәрбиеленушілері университет қабырғасындағы және облыс деңгейіндегі іс-шаралар мен байқауларда өнер көрсетуде.Қазіргі таңда "Өнер" орталығы талантты және шығармашыл жастардың ортасына айналды.
Орталықтың қол жеткізген жетістіктері де аз емес. Атап айтқанда Дәулет Құрмаш Алматы қаласында өткен студенттер айтысында арнайы жүлдеге ие болса, Аяған Диас Көкшетау қаласында өткен аймақтық айтыста 2 орын алды. Студенттердің өлеңдері мен айтыстары облыстық "Soltustik Qazastan", "Qyzuljar nury" газеттеріне және "Qyzuljar" телеарнасында жарияланған.
"Өнер" орталығы көрерменге мағыналы поэзиялық композициялар мен концерттік номерлерді ұсынуға тырысады.
Орталықтың миссиясы- өнерлі студенттердің дарынын шыңдап, олардың үлкен сахнаға шығып, түрлі байқауларға қатысуына жол ашу.
Алдағы уақытта поэзиялық кештер, әдебиет пен мәдениет саласындағы танымал тұлғалармен кездесу өткізу, және басқа да жарыстар ұйымдастыру жоспарда бар.
"Өнер" орталығы талантты және белсенді студенттерді қабылдап, жұмыс істеуге әрдайым дайын.
Жетекшісі: Жарқын Жұпархан
Байланыс телефоны: +7 775 224 7443