Шығармашылық дайындықты талап ететін білім беру бағдарламаларын таңдаған түсуші талапкерлерге

Республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу және (немесе) ақылы оқуға қабылдау үшін қысқартылған оқыту мерзімдерін көздейтін жоғары білім кадрларын даярлаудың ұқсас бағыттары бойынша түсушілерді қоспағанда, орта, техникалық және кәсіптік немесе орта білімнен кейінгі білімі бар, ҰБТ – дан өткен және оның нәтижелері бойынша кемінде 50 балл, ал «педагогикалық ғылымдар» саласы бойынша кемінде 75 балл жинаған адамдар жіберіледі.

Бұл ретте ҰБТ-ның әрбір пәні және (немесе) шығармашылық емтихан бойынша кемінде 5 балл жинау қажет.

Шығармашылық мамандықтарға түсетін тұлғалар үшін тестілеудің мынадай екі пәні бойынша ұпайлар ескеріледі: оқу сауаттылығы (оқу тілі), Қазақстан тарихы.

Шығармашылық мамандықтарға өтініштерді қабылдауды жоғары оқу орындарының қабылдау комиссиялары күнтізбелік жылдың 20 маусым мен 7 шілде аралығында, шығармашылық емтихандар күнтізбелік жылдың 8 шілде мен 13 шілде аралығында өткізеді.

Шығармашылық емтихан өткізу нысаны:

Толық күндізгі оқу нысанына түсушілер үшін екі шығармашылық емтихан 45 ұпайлық жүйе бойынша бағаланады.

Ұқсас білім беру бағдарламасы бойынша қысқартылған оқу түріне түсушілер үшін бір шығармашылық емтихан 20 ұпайлық жүйе бойынша бағаланады.

Емтихандар болашақ оқу орнында тапсырылады (білім гранттарын тағайындау конкурсына қатысу үшін).

Талапкер білім беру бағдарламаларының бір тобы бойынша білім беру грантын алу байқауына қатысады және шығармашылық емтихандарды тапсырған жоғары оқу орнын ғана көрсетеді.

Шығармашылық емтихан нәтижелері бойынша оқуға түсушіге шығармашылық емтихан тапсыру орнына қарамастан ақылы негізде жоғары оқу орындарына түсу үшін бағалар ведомосынан үзінді беріледі.

1) университет басшысының атына еркін нысандағы өтініш;;

2) жалпы орта немесе техникалық және кәсіптік, орта білімнен кейінгі немесе жоғары білім туралы құжат (түпнұсқа);

3) жеке басын куәландыратын құжат;

4) ҰБТ сертификаты (бар болса);

5) 3 x 4 сантиметр көлеміндегі 8 фотосурет;

6) Электрондық форматтағы 075/е нысандағы медициналық анықтама;

7) ведомостан үзінді көшірме арнайы емтихан тапсыруға рұқсат беру ведомосынан үзінді көшірме;

8) спорттық разрядтардың және (немесе) спорттық атақтардың біреуінің болуын растайтын құжаттың көшірмесі ("Дене шынықтыру және спорт туралы" 2014 жылғы 3 шілдедегі Қазақстан Республикасы Заңының 35-бабының 1-тармағы (бар болса). Дене шынықтыру мұғалімдерін дайындау үшін.

9) білім беру грантын беру туралы электрондық куәлік.

1) ЭЦҚ қойылған электрондық құжат нысанындағы өтініш;

2) жалпы орта (орта жалпы), техникалық және кәсіптік (бастауыш және орта кәсіптік, орта білімнен кейінгі) немесе жоғары білім туралы құжаттардың электрондық көшірмесі (ақпараттық жүйелерде мәліметтер болмаған жағдайда);

3) өлшемі 3 x 4 сандық фото;

4) электрондық форматта 075/е нысаны бойынша Медициналық анықтама;

5) ҰБТ сертификаты;

6) білім беру грантын беру туралы электрондық куәлік (бар болса).

Апелляциялық комиссиялар арнаулы немесе шығармашылық емтихандардың нәтижелерімен келіспейтін адамдардың өтініштерін қарастыру үшін құрылады. 

Апелляцияға өтінішті аппеляциялық комиссия төрағасының атына арнаулы немесе шығармашылық емтиханды тапсырушы адам жеке береді. Өтініш арнаулы немесе шығармашылық емтихандар нәтижесі жарияланғаннан кейін келесі күні сағат 13.00-ге дейін қабылданады және оны апелляциялық комиссия бір күн ішінде қарастырады.

Қабылдау комиссиясының мекен-жайы: Петропавл қ., Жұмабаев к-сі, 114, №6 оқу корпусы, 118 ауд.
Қабылдау комиссиясының телефоны: 8 (7152) 493037
Жұмыс тәртібі: 9.00-18.00, құжаттар қабылдау кезеңінде - демалыссыз.