2022-2023 оқу жылының күзгі семестріне арналған сыртқы академиялық ұтқырлық бағдарламасы бойынша оқуға құжаттарды қабылдау ашылды

2022 жылғы 01 наурыздан бастап 2022-2023 оқу жылының күзгі семестріне шетелде сыртқы академиялық ұтқырлық бағдарламасы бойынша оқуға құжаттарды қабылдау ашылды. Серіктес жоғары оқу орындарының тізімін мына сілтеме бойынша таба аласыз: https://www.nkzu.kz/page/view?id=774

Шетелде академиялық ұтқырлық конкурсына қатысу үшін қажетті құжаттар тізбесі:

1) білім алушының нысан бойынша өтініші;

2) сауалнама;

3) Қазақстан Республикасы азаматының паспортының көшірмесі;

4) білім туралы құжаттар:

• "Бакалавриат" бағдарламасы бойынша жолдау үшін: ЖОО-ның мөрімен расталған ағымдағы үлгерім туралы транскрипт;

5) шет тілін меңгеру деңгейін растайтын құжат (үміткер төмендегі құжаттардың бірін ұсынады):

• шет тілін білуді бағалаудың халықаралық жүйелері арқылы алынған сертификат;
• қазақстандық ЖОО тестілеу нәтижесі (В2 деңгейінен төмен емес);

6) № 072/е нысан бойынша Медициналық анықтама (шетелге шығушы үшін);

7) Қазақстан Республикасынан кету сәтінде он сегіз жасқа толмаған жағдайда, шетелге шығуға үміткердің ата-аналарының, қамқоршыларының, заңды өкілдерінің жазбаша келісімі;

8) студент отбасының көп балалығын растау үшін отбасы құрамы туралы құжат;

9) студентте ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер санаты үшін (бар болса);

10) студенттің мүгедектігін растайтын құжат.

11) ұсыныс хат.

Құжаттар 2022 жылғы 13 мамырға дейінгі мерзімде академиялық ұтқырлық бөліміне, № 2 OК, 201 кабинетке қабылданады.