FOUNDATION БАҒДАРЛАМАСЫ: ЖОҒАРЫ БІЛІМГЕ БАСТАР ЖОЛ

Қозыбаев университетінің қабырғасында 9 ай бойы білім алып, жаңа ортаға бейімделіп, өз мақсаттарына нық қадам басқан тыңдаушыларымыз дайындық кезеңін сәтті аяқтады. Білім алушыларға сертификаттар табысталды.

Foundation факультетінде өткен дайындық кезеңі тыңдаушылардың білім деңгейін арттырып, тілдік дағдыларын жетілдіруге және жоғары оқу орнының академиялық ортасына табысты бейімделуіне ықпал етті.

Салтанатты рәсім барысында Интернационалдандыру және халықаралық бағдарламалар жөніндегі Басқарма мүшесі Мансур Алимханов түлектерге жылы лебізін білдіріп, алдағы студенттік өмірлеріне сәттілік тіледі.

Биыл Foundation факультетінің дайындық бағдарламасын жалпы 50-ден астам ұлты қазақ шетел азаматтары және ҚР азаматтары сәтті аяқтап, жоғары білім алуға алғашқы маңызды қадамдарын жасады.

Оқу жылы бойы қоғамдық-мәдени, спорттық және университеттік өмірге, іс-шараларға қатысып, ерекше белсенділік танытқан тыңдаушылар марапатталды.

Құрметті түлектер, сіздерге жаңа студенттік өмірде биік белестер, толағай табыс және жарқын жетістіктер тілейміз!

Алдарыңыздан тек сәттілік жолықсын!