Қозыбаев университеті аккредиттеу науқанын жоғары нәтижелермен аяқтады

Қозыбаев университеті ұлттық және халықаралық деңгейде мамандар даярлау сапасының жоғары деңгейін дәлелдеп, кезекті аккредиттеу рәсімдерін табысты өткізді.

Университет 5 жыл мерзімге Тәуелсіз аккредиттеу және рейтинг агенттігінде (АРТА) институционалдық аккредиттеуден, 17 білім беру бағдарламасы бойынша мамандандырылған аккредиттеуден сәтті өтті.

Сондай-ақ Орталық Азия білім беруді аккредиттеу қауымдастығының (CAAAE) Аккредиттеу кеңесі сараптамалық бағалау қорытындыларын жариялады. Нәтижесінде университеттің 7 білім беру бағдарламасы аккредиттелді: 3-еуі 5 жыл мерзімге, ал 4-еуі 3 жыл мерзімге.

EUR-ACE Label беделді халықаралық сапа белгісі берілген «7M07101 – Машина жасау» білім беру бағдарламасы ерекше танылды. Бұл мәртебе бағдарламаның инженерлік білім берудің еуропалық стандарттарына толық сәйкес келетінін растайды және түлектер үшін академиялық ұтқырлық пен дипломдарды халықаралық деңгейде тану мүмкіндіктерін кеңейтеді.

Сараптамалық комиссия тобы бірнеше күн бойы университет қызметінің барлық негізгі бағыттарына кешенді бағалау жүргізді. Білім беру сапасы, ғылыми-зерттеу жұмыстары, басқару жүйесі, жұмыс берушілермен байланыс және басқа да маңызды көрсеткіштер сараланды. Университеттің материалдық-техникалық базасы да жоғары бағаланды.

Жалпы нәтижеге қосқан үлесі үшін профессор-оқытушылар құрамына, қызметкерлерге және студенттерге шын жүректен ризашылығымызды білдіреміз!