Kozybayev University өкілдері Президенттік тест бойынша республикалық жарыста 9 медаль жеңіп алды

2026 жылғы 28–30 маусым күндері Астана қаласында Қазақстан Республикасы халқының дене даярлығы бойынша Президенттік тесттен республикалық жарыс өтті. Дүбірлі додаға еліміздің барлық өңірлерінен 270-тен астам ең мықты спортшы қатысты.

Солтүстік Қазақстан облысының құрамасы сапында Kozybayev University-дің үш өкілі сәтті өнер көрсетіп, жарыс қорытындысы бойынша 9 медаль жеңіп алды: 3 алтын және 6 күміс.

Жоғары нәтиже көрсеткен спортшыларымыз:

Данила Свиржевский (ФКС-22-1 тобының студенті) — күштік гимнастикадан күміс медаль, 1000 метрге жүгіруден күміс медаль және абсолюттік біріншілікте алтын медаль жеңіп алды.

Мария Павлова (ФКС-23-3 тобының студенті) — 100 метрге жүгіруден күміс медаль, күштік гимнастикадан алтын медаль жеңіп алып, абсолюттік біріншілікте күміс медаль иегері атанды.

Александр Владимирович Наумов (университеттің аға оқытушысы) — күштік гимнастикадан алтын медаль, 1000 метрге жүгіруден күміс медаль және абсолюттік біріншілікте күміс медаль жеңіп алды.

Спортшыларымызды жоғары жетістіктерімен және лайықты өнер көрсетулерімен шын жүректен құттықтаймыз! Жаңа жеңістер мен толағай табыстар тілейміз!