Kozybayev University магистранты Никита Изотов халықаралық турнирдің күміс жүлдегері атанды

Kozybayev University магистранты Никита Изотов халықаралық турнирдің күміс жүлдегері атанды

Kozybayev University магистранты Никита Изотов жеңіл атлетикадан ең беделді халықаралық турнирлердің бірі – World Athletics аясында өткен «Ғұсман Қосанов мемориалының» күміс жүлдегері атанды. Жарыс Шымкент қаласында өтіп, әлемнің ең үздік жеңіл атлеттерінің басын қосты.

800 метрге жүгіруде Никита Изотов 1 минут 52,08 секунд нәтижесін көрсетіп, күміс медаль жеңіп алды.

Никита Изотов – жеңіл атлетикадан Қазақстан Республикасының спорт шебері, полиатлоннан халықаралық дәрежедегі спорт шебері және 2026 жылғы триатлоннан Қазақстан чемпионы. Ол бірнеше спорт түрінен жоғары деңгейде өнер көрсетіп, өзінің жан-жақтылығы мен жоғары спорттық шеберлігін дәлелдеп келеді.

Никита Изотовты және оның бапкері – Kozybayev University оқытушысы Александр Владимирович Наумовты беделді халықаралық турнирдегі табысты өнер көрсетулерімен құттықтаймыз! Алдағы Азия чемпионатына іріктеуден сәтті өтіп, жаңа жарқын жеңістерге қол жеткізуіне тілектеспіз!