Университетте шетелдік компаниялармен жаңа инвестициялық және ғылыми жобалар талқыланды

Агротехнологиялық факультеттің серіктесі – «Хэнань Нунтоу» халықаралық инвестициялық компаниясының, сондай-ақ Гонконг пен Қытайдың газ компаниясы және EcoCeres корпорациясы өкілдерінің қатысуымен жұмыс кездесуі өтті.
Кездесу барысында қонақтар факультеттің ғылыми зертханалары мен тәжірибелік-эксперименттік алқаптарын аралап, ғылыми әзірлемелермен және зерттеу нәтижелерімен танысты.
Тараптар «Хэнань Нунтоу» компаниясымен ынтымақтастықты одан әрі дамыту мәселелерін, сондай-ақ ауыл шаруашылығы қалдықтарын жаңартылатын отынға қайта өңдеу жобаларын жүзеге асыратын EcoCeres корпорациясымен бірлескен ғылыми әзірлемелер жүргізу және инвестициялар тарту бағытындағы ынтымақтастықтың жаңа мүмкіндіктерін талқылады.