SCIENTIFIC ROUND TABLE «NORTHERN KAZAKHSTAN IN THE GOLDEN HORDE STEPPE COMMUNICATIONS SYSTEM"
Манаш Қозыбаев атындағы Солтүстік Қазақстан университеті Сіздерді «Алтын Орданың далалық коммуникациялар жүйесіндегі Солтүстік Қазақстан»ғылыми дөңгелек үстелге қатысуға шақырады.
Дөңгелек үстелдің мақсаты Солтүстік Қазақстанның Алтын Орда дәуіріндегі дала өркениетінің маңызды өңірлерінің бірі ретіндегі рөлін талқылау, оның Орталық Еуразияның саяси, сауда-экономикалық және мәдени коммуникациялар жүйесіндегі орнын айқындау, Жошы Ұлысының тарихи-мәдени мұрасын жүйелі әрі кешенді зерттеудің басым бағыттарын белгілеу, отандық тарих ғылымының жаңа жетістіктерін кеңінен насихаттау және Қазақстан Республикасының Президенті Қасым-Жомарт Тоқаев айқындаған Жошы Ұлысының тарихи мұрасын жан-жақты әрі объективті зерделеу міндеттеріне сәйкес ғылыми диалогті дамыту болып табылады.
Дөңгелек үстел Алтын Орда тарихы мен Солтүстік Қазақстанның дала коммуникациялары жүйесіндегі рөліне арналған жаңа ғылыми зерттеулерді талқылауға, ғылыми нәтижелер мен зерттеу тәжірибесімен алмасуға, сондай-ақ тарих ғылымы саласындағы жоғары оқу орындары арасындағы және халықаралық ғылыми ынтымақтастықты дамытуға бағытталған.
Дөңгелек үстел жұмысына Алтын Орда тарихын, Жошы Ұлысын және Орталық Еуразияның ортағасырлық тарихын зерттеуге маманданған отандық және шетелдік ғалымдар мен зерттеушілердің қатысуы жоспарлануда.
Өтетін күні және уақыты:2026 жылғы 11 қыркүйек, сағ. 09.00.
Дөңгелек үстелдің жұмыс тілдері: қазақ, орыс, ағылшын тілдері.
Дөңгелек үстелдің өтетін орны: Петропавл қ., Абай к-сі, 9, Манаш Қозыбаев атындағы Солтүстік Қазақстан университеті № 2 оқу корпусының конфренец-залы
Дөңгелек үстелдің жұмысы оффлайн және ZOOM платформасында жүзеге асырылады, сілтеме: https://zoom.us/launch/jc/92737561956, конференция идентификаторы: 365 441 2169.
Департамент науки