Бірінші курс студенттеріне арналған бағдарлау апталығы

1-5 қыркүйек аралығында Kozybayev University-де Бағдарлау апталығы өтуде. Әр факультетте бірінші курс студенттерінің ЖОО басшылығымен, декандармен, кураторлармен, студенттік омбудсменмен, сондай-ақ Академиялық қызмет департаментінің, Психологиялық қызметтің, Әскери кафедраның, кітапхананың және басқа да бөлімшелердің мамандарымен кездесулері ұйымдастырылды. Мұның барлығы жастардың бейімделуіне және студенттік өмірге оңай араласып кетуіне көмектесу үшін жасалып отыр.

Сонымен қатар танысу шаралары аясында спорттық жарыстар, жайлы кино кештері, интеллектуалды ойындар мен кампус бойынша экскурсиялар ұйымдастырылды.

Биыл Kozybayev University-де барлығы 3 000-ға жуық бірінші курс студенті өзінің оқу жолын бастады.