Аризона университетінің профессоры студенттерге арнайы дәріс оқыды

Университетте АҚШ-тағы Аризона университетінің профессоры Чарльз Гербаның «Биотехнология» қос дипломды білім беру бағдарламасында білім алатын студенттерге арналған дәрісі өтті.

Профессор Герба студенттермен өзінің ғылыми және кәсіби тәжірибесімен бөлісіп, биотехнология және онымен сабақтас ғылыми пәндер саласындағы зерттеулердің өзекті бағыттарын таныстырды. Дәріс студенттердің білімдерін кеңейтіп, шетелдік маманға сұрақтар қойып, ғылыми-зерттеу жұмысына қатысты халықаралық тәсілдермен танысуына мүмкіндік берді.

Дәріс Қазақстанның шетелдік ғалымдарды тарту бағдарламасы аясында ұйымдастырылды. Бағдарламаның мақсаты – халықаралық ынтымақтастықты дамыту және қазақстандық және шетелдік жоғары оқу орындары арасында ғылыми тәжірибе алмасуды нығайту.