Ғылым және индустрия: Kozybayev University өнеркәсіптік серіктестермен ынтымақтастығын кеңейтуде
«Samruk-Kazyna Ondeu» ЖШС Басқарма төрағасы Данияр Нұрланұлы Мәулетов бастаған делегацияның Манаш Қозыбаев атындағы Солтүстік Қазақстан университетіне сапары өтті. Делегация құрамында «Samruk-Kazyna Ondeu» ЖШС бизнесті және ғылымды дамыту департаменті директорының орынбасары Алтынай Шәріпова және
Fincraft Group президентінің кеңесшісі Асқар Исмаилов та болды.
Сапар барысында қонақтар университеттің ғылыми-зерттеу инфрақұрылымымен танысып, бірқатар зертханаларды, соның ішінде су сапасын бағалау және агрохимиялық талдау зертханаларын аралады.
Делегация өкілдеріне университетте жүзеге асырылып жатқан ғылыми жобалар, зерттеу әлеуеті және университет ғалымдарының құзыреттері таныстырылды. Тараптар ғылыми зерттеулер, технологияларды әзірлеу және трансферттеу салаларындағы ынтымақтастықтың перспективалы бағыттарын, оның ішінде Аризона университетімен бірлесіп жүзеге асырылып жатқан жобалар аясындағы өзара іс-қимыл мәселелерін талқылады.
