Nazarbayev University мен Kozybayev University: серіктестіктен нақты жобаларға

Петропавл қаласында президент Вакар Ахмад бастаған Nazarbayev University делегациясының Kozybayev University-ге алғашқы кеңейтілген сапары өтіп жатыр.

Басты тақырып – екі университеттің Солтүстік Қазақстан үшін бірлесіп жасайтын нақты істері.

Негізгі бағыттар қатарында – жасанды интеллект, ақылды ауыл шаруашылығы, агрогеномика, су ресурстары, жаңа материалдар, климаттық мониторинг және кадр даярлау. Университеттер нақты жобаларын таныстырып, 2026–2028 жылдарға арналған ынтымақтастық мәселелерін талқылады.

Сонымен қатар Kozybayev University, Nazarbayev University және University of Arizona арасындағы үшжақты серіктестік құру идеясы да айтылды.

Ендігі міндет – талқылаудан нақты іске көшу: жұмыс топтарын құру, жобаларды іріктеу, қаржыландыру көздерін анықтау және оларды іске асыруды бастау.

Мықты университеттер өзара тәжірибе мен сараптаманы біріктіреді. Ал қуатты өңір жаңа технологияларға, білікті кадрларға және даму мүмкіндіктеріне ие болады.