ҚР ДСМ «Қоғамдық денсаулық сақтау ұлттық орталығы» ШЖҚ РМК ұйымдастыратын «Үздік постерлік баяндама» және «Үздік ауызша баяндама» атты екі номинация бойынша конкурс.
Антимикробтық резистенттілікті (АМР) қадағалау жөніндегі ұлттық үйлестіру орталығы болып табылатын ҚР ДСМ «Қоғамдық денсаулық сақтау ұлттық орталығы» ШЖҚ РМК жоғары және орта арнаулы оқу орындарының өкілдерін АМР мәселелері бойынша ғылыми жұмыстар конкурсына қатысуға шақырады.
Конкурс Антибиотиктерді дұрыс қолдануды насихаттаудың дүниежүзілік апталығы аясында 2026 жылғы 18–20 қарашада Астана қаласындағы Назарбаев Университетінің Медицина мектебінде өтетін «Антимикробтық резистенттілікпен күресу үшін микробқа қарсы препараттарды ұтымды пайдалану: “Біртұтас денсаулық” тәсілі» атты конференция шеңберінде ұйымдастырылады.
Конкурс «Үздік постерлік баяндама» және «Үздік ауызша баяндама» атты екі номинация бойынша өткізіледі.
Қатысу үшін баяндама жасаудың қалаған нысанын — постерлік баяндама немесе ауызша презентацияны — көрсете отырып, зерттеу тезистерін ұсыну қажет. Ғылыми комитет тезистерді қарастырғаннан кейін авторларға жұмыстың қабылданғаны және қатысу нысаны туралы хабарлама жіберіледі.