«Профилактика ИППП: как защитить себя и сохранить здоровье»

Оқу-тәрбие және ғылыми-ақпараттандыру жұмысы аясында 2026 жылдың 1 қазанында медицина факультеті "Олимп" клиникалық диагностикалық зертханасының өкілдерімен бірлесіп, студенттер мен оқытушыларға арналған «ЖЖБИ алдын алу: өзіңізді қалай қорғау және денсаулығыңызды қалай сақтау керек» тақырыбында практикалық семинар өткізді.

Кездесу барысында жыныстық жолмен берілетін инфекциялардың өзектілігі, статистикалық деректер, негізгі белгілері және ықтимал салдары, берілу жолдары және алдын алу шаралары талқыланды. Қатысушылар тәжірибеде болған клиникалық жағдайларды (кейстерді) қарастырып, ЖЖБИ зертханалық диагностикалық әдістерін салыстырды.

Семинар тыңдаушылардың сұрақтарын талқылаумен аяқталды. Қатысушыларға ЖЖБИ алдын алу және заманауи диагностикалық әдістер бойынша үлестірме материалдар таратылды.