СКУ және University of Arizona: ғылым мен білімге жаңа мүмкіндіктер

Астанада Орталық Азия мен АҚШ-тың жетекші сарапшыларын, үкімет өкілдерін, технологиялық компаниялар мен академиялық қауымдастықты біріктірген C5+1 AI Conference: Digital Innovation for Economic Growth халықаралық конференциясы өтті.

Конференцияның негізгі панельдік сессиялардың бірі - «University and Research Collaboration across the Digital Ecosystem - пікірталасына М. Қозыбаев атындағы СҚУ Жасанды интеллект және цифрлық технологиялар орталығының басшысы, қауымдастырылған профессоры Гүлнар Ким спикер ретінде қатысты.

Панельдік сессияда халықаралық ғылыми серіктестікті дамыту, зерттеу ресурстарына қолжетімділік, жасанды интеллектіні жауапты пайдалану және цифрлық экономикаға қажетті мамандарды даярлау мәселелері талқыланды.

Гүлнар Ким өз сөзінде СҚУ мен University of Arizona арасындағы стратегиялық серіктестікке ерекше тоқталды.

Бұл ынтымақтастық Қозыбаев университетінің студенттері мен зерттеушілеріне жаңа мүмкіндіктер ашады. Оның ішінде бірлескен ғылыми зерттеулер, академиялық алмасу, озық білім беру тәжірибелері мен зерттеу инфрақұрылымына қолжетімділік, сондай-ақ жасанды интеллект пен цифрлық технологиялар саласындағы халықаралық жобаларға қатысу бар.

Серіктестіктің маңызды бағыты - тәжірибе алмасумен шектелмей, ғылым, білім және технология саласындағы нақты міндеттерге жауап беретін жаңа жобалар мен шешімдерді бірлесіп әзірлеу.

СКУ үшін University of Arizona-мен ынтымақтастық - халықаралық байланыстарды кеңейтіп қана қоймай, студенттер мен ғалымдарға әлемдік ғылыми ортаға еніп, жаңа зерттеу мүмкіндіктерін пайдалануға жол ашатын маңызды серіктестік.