Академиялық саясаты бойынша семинар өткізілді

Мед 3-26 топтарының студенттерімен университеттің академиялық саясаты бойынша семинар өткізілді. Семинар барысында білім алушылар оқу үдерісін ұйымдастырудың негізгі ережелерімен, академиялық үлгерімге қойылатын талаптармен және академиялық адалдық қағидаларымен танысты.

«Академиялық саясат» бөлімінде білім алушылардың оқу үдерісін ұйымдастыруға қатысты негізгі ережелер мен мүмкіндіктер қарастырылды. Білім беру деңгейлері, кредиттік жүйе, GPA бағалауы, негізгі және қосымша пәндер, сондай-ақ студенттерге академиялық қолдау көрсету тетіктері түсіндірілді.

Сонымен қатар қашықтықтан, аралас және үш тілде оқыту сияқты заманауи білім беру форматтары қарастырылды. Университетте білім сапасын арттыру мақсатында заманауи зертханалар мен қажетті материалдық-техникалық база жасақталғаны атап өтілді.

Семинарды куратор Мурзабаева М. Д. өткізді.