2027 жылға арналған жас ғалымдардың ғылыми жобаларын гранттық қаржыландыру конкурсы жарияланды
Қазақстан Республикасы Ғылым және жоғары білім министрлігінің Ғылым комитеті 2027 жылға арналған жас ғалымдардың ғылыми және (немесе) ғылыми-техникалық жобаларын гранттық қаржыландыру конкурсын жариялады.
Конкурс жас ғалымдардың ғылыми-зерттеу қызметін қолдауға, ғылыми әлеуетті дамытуға және елдің басым ғылыми бағыттары бойынша зерттеулер жүргізуге бағытталған.
Жобаларды іске асыру мерзімі – 36 ай.
Конкурс келесі бес басым бағыт бойынша өткізіледі:
-
Климаттық орнықтылық, су қауіпсіздігі, табиғи ресурстар және агроөнеркәсіптік кешеннің тұрақты дамуы.
-
Технологиялық егемендік және өнеркәсіптік бәсекеге қабілеттілік.
-
Денсаулық, адами даму және өмір сүру сапасы.
-
Ұлттық қауіпсіздік, қорғаныс, аумақтар мен маңызды инфрақұрылымның орнықтылығы.
-
Іргелі зерттеулер, ғылыми негіз және ғылыми әлеует.
Өтінімдерді қабылдау мерзімі: 2026 жылғы 13 қазаннан 11 қарашаға дейін (қоса алғанда).
Конкурстық өтінімдер Қазақстан Республикасы Ғылым және жоғары білім министрлігінің Ғылым комитетіне «Ұлттық мемлекеттік ғылыми-техникалық сараптама орталығы» АҚ ақпараттық жүйесі арқылы электрондық форматта ұсынылады. Өтінімдер ғылыми жетекші мен өтінім берушінің электрондық цифрлық қолтаңбасымен расталуы тиіс.
Ақпараттық жүйенің жұмысына қатысты сұрақтар бойынша байланыс орталығының телефоны: +7 (727) 344-11-10.
Жұмыс уақыты: дүйсенбі–жұма, 09:00–18:00 (түскі үзіліс 13:00–14:00).
М. Қозыбаев атындағы Солтүстік Қазақстан университеті жас ғалымдарды конкурстың шарттарымен танысып, ғылыми жобаларын ұсынуға шақырады!
Толық ақпарат және пайдалы сілтемелер: