Kozybayev University-де шахматтан спартакиада өтті

Университетте академик Манаш Қозыбаевтың 95 жылдығына арналған білім алушылар арасындағы шахматтан спартакиада өз мәресіне жетті.

Жарысқа барлық факультеттердің, Тіл және әдебиет институтының және Халықаралық кампустың құрама командалары қатысты. Қатысушылар жоғары интеллектуалдық дайындықтарын, стратегиялық ойлау қабілеттерін және жеңіске деген ұмтылыстарын көрсетті.

Командалық есептің қорытындысы:

1-орын - Тіл және әдебиет институты;

2-орын - Тарих, экономика және құқық факультеті;

3-орын - Халықаралық кампус.

Жеке біріншілік қорытындысы:

Ұлдар арасында:

1-орын - Ғалиев Бахтияр, Тіл және әдебиет институтының ИЯ-24 тобының студенті.

Қыздар арасында:

1-орын - Квитинская Милена, Тіл және әдебиет институтының ИЯ-24-1 тобының студенті.

Спартакиада салауатты бәсекелестік, өзара құрмет пен спорттық бірлік атмосферасында өтті. Мұндай іс-шараларды өткізу студент жастар арасында шахматты кеңінен насихаттауға және логикалық ойлау қабілетін дамытуға ықпал етеді.

Айта кетейік, университет ғимараттарында шахмат тақталары мен ойын алаңдары кеңінен орналастырылған. Мұнда студенттер сабақтан бос уақытында шахмат ойнап, үзілістерін тиімді өткізіп, оқу үдерісінен аздап тыныға алады.

Жарыс жеңімпаздары мен жүлдегерлерін құттықтаймыз! Барлық қатысушыларға алдағы уақытта толағай табыстар, жаңа жетістіктер мен жарқын жеңістер тілейміз!