Kozybayev University құрамасы – футзалдан Students League жеңімпазы

Университетіміздің әйелдер құрамасы Солтүстік Қазақстан облысының жоғары оқу орындары мен колледждері арасында өткен футзалдан Students League жарысында бірінші орынға ие болды.

Жарыс Солтүстік Қазақстан облысының футбол федерациясымен бірлесіп ұйымдастырылды. Оған бес команда қатысты. Шешуші ойындар М. Қозыбаев атындағы Солтүстік Қазақстан университетінің спорт кешенінде өтті.

Турнирдің алтын жүлдесі үшін өткен матчта университетіміздің спортшылары Солтүстік Қазақстан жоғары кәсіптік-педагогикалық колледжінің командасын 7:3 есебімен сенімді түрде жеңіп, лига чемпионы атанды.

Турнирдің үздік ойыншысы деп Kozybayev University-дің ФКС-в-25 тобының студенті, Қазақстанның футзалдан ұлттық құрамасының мүшесі Виктория Зейнали танылды.

Алда университет командасын жаңа мақсаттар мен маңызды сынақтар күтіп тұр. Солардың бірі – 2027 жылы өтетін Қазақстан Республикасының жазғы Универсиадасындағы ойындар!

Спортшыларымызға сәттілік тілейміз! Әрбір жаттығу сіздерді көздеген мақсаттарыңызға және ең жоғары спорттық марапаттарға жақындата берсін!