«Мемлекеттілік және тарихи сабақтастық: ғылым мен ұрпақтар диалогы»
2026 жылғы 23 қазанда Kozybayev University, Республика күніне орай «Қазақстан мемлекеттілігі: тарихи сабақтастық және дамудың заманауи бағдарлары» атты аймақтық ғылыми конференция өтті. Іс-шара Қазақстан мемлекеттілігінің қалыптасуы, құқықтық дамуы және тарихи жады мәселелері бойынша ғылыми пікір алмасуға арналды.
Конференцияның пленарлық бөлімін тарих ғылымдарының кандидаты, халықаралық кампустың атқарушы директоры Жәнісов Әсет Темірханұлы жүргізді. Құттықтау сөзді университеттің интернационалдандыру және халықаралық бағдарламалар жөніндегі Басқарма мүшесі Әлімханов Мансұр Сансызбайұлы сөйледі.
Баяндамашылар және тақырыптары
Ілясова Гаухар Сапорбекқызы — «1990 жылғы Мемлекеттік егемендік туралы декларациядан 2026 жылғы Конституцияға дейін: тарихи сабақтастық және Қазақстан мемлекеттілігінің дамуындағы жаңа кезең»
Әбуов Нұрболат Әскерұлы — «Қазақ КСР-інің мемлекеттік егемендігі туралы декларацияның қабылдану тарихы»
Жүнісов Бауыржан Нәбиұлы — «Абылай хан дәуірінен Тәуелсіз Қазақстанға дейін: мемлекеттілік тарихы және ұрпақтар сабақтастығы»
Эдилов Дениэл Бекханович — «Республика күні және Қазақстанның конституциялық дамуы: құқықтық сабақтастық және заманауи сын-қатерлер»
Сарсенова Айсулу Жумабековна — «Музейлердің тарихи сананы қалыптастырудағы рөлі»
Смаилова Дариға Өмірқызы — «Қыран елім – Қазақстаным: ұлттық рух, елдік сана және отансүйгіштік құндылықтар»
Конференция аясында Қазақстан мемлекеттілігінің тарихы, тәуелсіз елдің құқықтық жүйесі және мемлекет пен нарық институттарына арналған үш секция жұмыс істеді. Кездесу ғалымдар, оқытушылар және жастар арасындағы ғылыми диалогты дамытуға ықпал етті.