Қозыбаев университетінің аға оқытушысы Аубакирова Аида Еркеновнаны философия докторы (PhD) дәрежесін алуымен құттықтаймыз!

М. Қозыбаев атындағы Солтүстік Қазақстан университетінің "Практикалық қазақ тілі" кафедрасының аға оқытушысы Аубакирова Аида университеттің мақсатты гранты негізінде Л.Н. Гумилев атындағы Еуразия ұлттық университетінің докторантурасында «8D01717 – Қазақ тілі мен әдебиеті» білім беру бағдарламасы бойынша білім алып, философия докторы (PhD) дәрежесіне ие болды.

 Аида Еркенқызы «Қазақ тіліндегі жаңа терминдер: жасалуы мен қолданысы (теориялық-әдістемелік сипаты)» тақырыбындағы диссертациясын сәтті қорғады.
Зерттеудің мақсаты – қазақ тіліндегі жаңа терминдердің жасалу жолдарын, қолданыс ерекшеліктерін, қалыптасу үдерісін, тілдік табиғатын және теориялық-әдістемелік негіздерін кешенді түрде зерделеу. Сонымен қатар қазіргі қазақ тіліндегі жаңа терминдердің ғылыми айналымдағы және білім беру үдерісіндегі қолданысын теориялық және лингводидактикалық тұрғыдан саралау көзделді.
Диссертациялық жұмыстың отандық ғылыми жетекшісі – ҚР Ұлттық ғылым академиясының академигі, филология ғылымдарының докторы, профессор Шерубай Құрманбайұлы.

Қозыбаев университетінің ұжымы Аубакирова Аида Еркенқызын философия докторы (PhD) дәрежесін алуымен шын жүректен құттықтайды! Әріптесімізге ғылыми-зерттеу қызметінде жаңа жетістіктер, шығармашылық шабыт, кәсіби табыс және биік белестер тілейміз!