Жапониялық ғалым студенттерге өсімдіктердің генетикалық ресурстарын зерттеу нәтижелерімен бөлісті

Университетімізге Жапония делегациясының сапары аясында Жапониядағы Хиросаки университетінің (Hirosaki University) қауымдастырылған профессоры, өсімдіктер биоалуантүрлілігі және асқабақ тұқымдасына жататын өсімдіктердің селекциясы саласының маманы, доктор Кацунори Танака қонақ дәрісін өткізді.

Ғалымның дәрісі Қазақстан Республикасындағы өсімдіктердің генетикалық ресурстарын сақтау және зерттеуге бағытталған PGRAsia жобасы аясында жүргізілген зерттеулерге арналды. «Биотехнология» және «Басқарудағы ақпараттық жүйелер» қос дипломды білім беру бағдарламаларының студенттері ғылыми зерттеулердің заманауи бағыттарымен танысып, шетелдік ғалыммен тікелей пікір алмасуға және ғылыми қызметтің өзекті мәселелерін талқылауға мүмкіндік алды.

Іс-шара халықаралық академиялық ынтымақтастықты дамытуға және білім алушылардың ғылыми әрі кәсіби мүмкіндіктерін кеңейтуге ықпал етті.