Керлингтен Қазақстан Республикасының жастар арасындағы чемпионатында қола жүлде

17 қыркүйектен бастап Астана қаласында жастар арасындағы Қазақстан Республикасының чемпионаты және керлингтен Қазақстан Республикасының Кубогы өтіп жатыр. Турнирге еліміздің 8 өңірінен 200-ге жуық спортшы қатысуда.

Жарыстар спорттың 4 дисциплинасы бойынша өтуде: ерлер, әйелдер, аралас жұптар және аралас командалар. Жарыс 30 қыркүйекке дейін жалғасады. Алайда қыздар арасындағы бәсекенің нәтижелері қазірдің өзінде белгілі болды.

Солтүстік Қазақстан облысының жастар арасындағы әйелдер құрамасы сапында өңір намысын Kozybayev University Педагогикалық факультетінің Дене шынықтыру және спорт кафедрасының студенттері Анастасия Мишурова, Қайникамал Садвакасова және Елдана Тайбупенова қорғады.

Тартысты бәсекеде спортшыларымыз жақсы өнер көрсетіп, командалық есепте III орынға ие болды!

Қыздар командасының жаттықтырушысы - Дене шынықтыру және спорт кафедрасының аға оқытушысы Иван Буняшин.

Чемпионат Қазақстандағы керлинг спортының дамуына маңызды үлес қосып отырған айтулы кезеңдердің бірі. Спортшылар үшін бұл – шеберліктерін шыңдауға ғана емес, халықаралық жарыстарға жолдама алуға мүмкіндік беретін маңызды дода.

Студенттеріміз бен бапкерлер құрамын жеңістерімен құттықтаймыз!

Жаңа жетістіктермен, шыңдардарды бағындыруға тілектеспіз!