Медицина факультетінің студенттерінің зерттеулері Халықаралық биомедициналық форумда таныстырылды

2026 жылдың 22-23 қазан аралығында Қарағанды қаласындағы Қарағанды медициналық университетінде «International Biomedical Forum: Research and Innovation» атты 2-ші Халықаралық биомедициналық форум өтті. Оған биомедицина, биоинженерия және фармацевтикалық әзірлемелер салаларындағы зерттеушілер қатысты.
М.Қозыбаев атындағы Солтүстік Қазақстан университетінің медицина факультетінің студенттік ғылыми қоғамдарының (СҒҚ) ғылыми жұмыс жоспарын іске асыру аясында форумға СҒҚ ғылыми жетекшісі, медицина факультетінің ғылыми жұмыс және сапа менеджменті жөніндегі директор орынбасарының м.а. және іргелі медицина кафедрасының доценті Ерболат Абибиллаевич Тулебаев қатысты. Ғылыми тағылымдама (іс-сапар) 2026 жылдың 21-23 қазан аралығында өтті.
23 қазанда Ерболат Абибиллаевич «Жаңа фармацевтикалық өнімдерді әзірлеу және енгізу» бөлімінде «Drug Encapsulation Technology» ("Дәрілік заттарды капсулалау технологиясы") атты ауызша баяндама жасады. Баяндамада альгинат микрокапсулаларын өндіру әдістері, әзер етуші заттардың сақталуы мен босап шығуына әсер ететін факторлар, сапаны бақылау тәсілдері және фармацевтикалық әзірлемелерде жасыл технологияларды қолдану перспективалары талқыланды.
Форум материалдарына клиникалық пәндер және іргелі медицина кафедраларының студенттері В.Н. Шашкова, Д.С. Тюлегенова және А.А. Малвенова (Медицина БББ магистранты) дайындаған факультет оқытушылары Е.А. Тулебаев пен Б.К. Курмангажинаның бірлескен авторлығымен жазылған тезисі кірді.
Зерттеу қайталанатын сипаттамалары бар микрокапсулаларды өндірудің технологиялық жағдайларын, енгізілген заттардың белсенділігін және белгіленген босап шығу профилін анықтауға бағытталған.
Форумға қатысу факультет қызметкерлері мен студенттерге бірлескен зерттеулерінің нәтижелерін ұсынуға, болашақ зерттеу бағыттарын талқылауға және кәсіби байланыстарды кеңейтуге мүмкіндік берді. Барлық авторлар форумға қатысу сертификаттарын алды.