«2026 жылғы үздік оқытушы» атағын беру конкурсын өткізу туралы

Құрметті оқытушылар!

Қазақстан Республикасы Ғылым және жоғары білім министрлігі «2026 жылғы ЖОО-ның үздік оқытушысы» жыл сайынғы республикалық конкурсының басталғанын хабарлайды. Конкурс «ЖОО-ның үздік оқытушысы» атағын беру қағидаларына сәйкес өткізіледі, олармен сілтеме бойынша танысуға болады.

Конкурсқа Қазақстан Республикасының азаматтары, университеттің штаттық оқытушылары болып табылатын және құжаттарды тапсыру сәтінде үздіксіз ғылыми-педагогикалық өтілі кемінде бес жыл болатын тұлғалар қатыса алады.

Конкурс екі кезеңмен өткізіледі:

I кезең – жоғары оқу орны ішіндегі: 2026 жылғы 6-18 қараша аралығында. Үміткерлер құжаттарды Қазақстан Республикасы Ғылым және жоғары білім министрлігінің ақпараттық жүйесі арқылы электрондық форматта тапсырады: universitycontest2026.kz.

I кезеңнің қорытындылары бойынша апелляция беру: 2026 жылғы 19-20 қараша аралығында.

II кезең – республикалық: 2026 жылғы 1-12 желтоқсан аралығында.

I кезеңге қатысу үшін үміткерлер мыналарды тапсырады:

1. Қағидалардың 1-қосымшасына сәйкес нысан бойынша Конкурсқа қатысуға өтінім;
2. Қағидалардың 2-қосымшасына сәйкес сапалық және сандық көрсеткіштер бойынша мәліметтер және соңғы 5 жылдағы (2022-2026 жж.) растайтын құжаттар, нақты мерзімдері көрсетілген көрсеткіштерді қоспағанда;
3. Қағидалардың 3-қосымшасына сәйкес 2026-2027 жылдарға арналған жұмыстардың жылдық жоспар-кестесі;
4. Кадрларды есепке алу жөніндегі жеке парақ;
5. Жеке басты куәландыратын құжаттың көшірмесі.

Оқытушыларды Конкурсқа белсенді қатысуға шақырамыз!