Халықаралық кампус өз жұмысын 2024 жылдың 1 қазанында бастады. Оның құрылуы әлемдік білім беру кеңістігіне интеграциялану және халықаралық ынтымақтастықты нығайту жолындағы маңызды қадам болды. Халықаралық кампустың басты миссиясы – АҚШ-тың Аризона университетімен (University of Arizona) әріптестікте қос дипломдық және бірлескен білім беру бағдарламаларын әзірлеу және іске асыру. Бұл ынтымақтастық студенттер мен оқытушылар үшін кең мүмкіндіктер ашады, озық академиялық тәжірибелер мен инновациялық оқыту әдістемелеріне қолжетімділікті қамтамасыз етеді. Халықаралық кампустың қызметі стратегиялық әріптестікті дамытуға, сапалы оқу үдерісін ұйымдастыруға, заманауи білім беру технологияларын енгізуге, сондай-ақ жаһандық еңбек нарығының талаптарына сай бәсекеге қабілетті мамандарды даярлауға бағытталған. Академиялық адалдыққа, ашықтыққа және білім беру үдерісінің барлық қатысушыларымен диалог жүргізу үшін жағдай жасауға ерекше көңіл бөлінеді. Халықаралық кампус Аризона университетімен стратегиялық әріптестікті нығайтып, студенттер, оқытушылар және бүкіл университет үшін жаңа мүмкіндіктер қалыптастыра отырып, сенімді түрде алға қадам басуда. Халықаралық кампус университеттің халықаралық байланыстарын дамытуға берік негіз болып, студенттерімізге оқуға және кәсіби өсімге жаңа мүмкіндіктер ұсынады, сондай-ақ болашақтың білікті кадрларын даярлауға айтарлықтай үлес қосады.

Мекен-жайы: Петропавл қ., Пушкин к., 86 (В), ғимарат ОЗК, ауд. 306
Телефон:+7 (7152) 493233, ішкі 1190, қос. 3012
Академиялық мәселелер жөніндегі атқарушы директордың орынбасары Жадан Константин Сергеевич: ауд. 306, тел.+7 (7152) 493233, қос. 1190-3012, kszhadan@ku.edu.kz