УНИВЕРСИТЕТ ҮШІН МАҢЫЗДЫ ОҚИҒА: ҚОС ДИПЛОМДЫ БАҒДАРЛАМАЛАР АЛҒАШ РЕТ АККРЕДИТТЕУДЕН ӨТТІ

ЖОО тарихында алғаш рет Аризона университетімен бірлесіп жүзеге асырылатын «Ақпараттық жүйелер» және «Биотехнология» қос дипломды білім беру бағдарламалары халықаралық аккредиттеуден өтті. Еуропалық ACQUIN агенттігі бұл бағдарламаларға— алты жылға аккредитация берді.

Шешім кешенді әрі көпсатылы аудит нәтижесінде қабылданды. ACQUIN сарапшылары оқу жоспарларын, профессор-оқытушылар құрамының біліктілігін, материалдық-техникалық базаны және сапаны ішкі қамтамасыз ету жүйесін жан-жақты зерделеді. Сонымен қатар шетелдік серіктеспен интеграция деңгейіне және бағдарламалардың тәжірибеге бағдарланған сипатына ерекше назар аударылды.

Сарапшылар университеттің заманауи зертханалық базасын, Аризона университетінің цифрлық білім беру ресурстарына қолжетімділікті, сондай-ақ ESG стандарттарына сәйкес келетін және университетті басқару жүйесіне толық енгізілген сапаны қамтамасыз ету саясатын жоғары бағалады.

Тәуелсіз еуропалық сарапшылар қос дипломды бағдарламалардың мазмұны мен ұйымдастырылуы жоғары білім беру сапасының халықаралық стандарттарына толық сәйкес келетінін растады.

Бұл жетістік бағдарламалардың алғашқы түлектері үшін де ерекше маңызға ие. Олар еңбек нарығында халықаралық деңгейде мойындалған білім сапасымен бәсекелестік артықшылыққа ие болады.

Алынған аккредиттеу Аризона университетімен бірлескен бағдарламалардың жоғары сапасын тағы бір мәрте дәлелдеп, халықаралық ынтымақтастықты одан әрі дамытуға берік негіз қалады.

«Ақпараттық жүйелер» және «Биотехнология» білім беру бағдарламаларының оқытушыларын, қызметкерлерін, студенттері мен түлектерін осы маңызды жетістікпен шын жүректен құттықтайм