Қозыбаев университеті алғаш рет The Sustainability Impact Ratings халықаралық рейтингіне енді
THE Sustainability Impact Ratings 2026 беделді халықаралық рейтингі әлем университеттерінің Біріккен Ұлттар Ұйымының тұрақты даму мақсаттарына (БҰҰ ТДМ) қол жеткізуге қосқан үлесін бағалайды.
Оның қорытындысы бойынша Қозыбаев университеті 1501+ тобына еніп, жаһандық зерттеуде ұсынылған қазақстандық жоғары оқу орындарының қатарына қосылды. ЖОО «Денсаулық пен әл-ауқат», « Сапалы білім» және «Бейбітшілік, әділеттілік және тиімді институттар» бағыттары бойынша ең жоғары нәтижелерді көрсетті.
2026 жылы рейтингке Sustainability Impact Network халықаралық желісіне біріккен әлемнің 116 елінен 1600-ден астам университет қатысты. Бұл тұрақты даму қағидаттарын ілгерілетуге, білім беру, ғылым және қоғамдық ықпал ету саласындағы үздік тәжірибелермен алмасуға бағытталған жоғары оқу орындарының ірі халықаралық қауымдастығы.
THE Sustainability Impact Ratings рейтингі жоғары оқу орындарының қызметін төрт негізгі бағыт бойынша бағалайды: ғылыми зерттеулер, ресурстарды басқару, қоғаммен өзара байланыс және білім беру қызметі.
Қозыбаев университеті жүзеге асырылып жатқан білім беру және ғылыми бастамалардың тиімділігін, сондай-ақ университеттің өңір мен елдің өзекті әлеуметтік-экономикалық міндеттерін шешуге қосқан үлесін растайды.
Халықаралық рейтинг көрсеткіші академиялық ынтымақтастықты дамыту, әріптестік байланыстарды кеңейту және университеттің әлемдік білім беру кеңістігіндегі ұстанымын одан әрі нығайтуға жаңа мүмкіндіктер ашады.
