Стратегиялық әріптестік жалғасуда: Kozybayev University-ге Аризона Университетінің делегациясы келді

Kozybayev University-ге Аризона университетінің делегациясы келді. Тәжірибе профессоры Саманта Орчард, жаһандық және халықаралық бағдарламалар жөніндегі менеджер Кевин Картон және студенттер мәселелері жөніндегі маман Борис Лабианка Samgau-2026 дипломдарын тапсыру салтанатына қатысады.
Сапардың алғашқы күні олар университет басшылығымен кездесті. Одан арғы ынтымақтастық мәселелерін және бірлескен бастамаларды дамытудың басым бағыттарын талқылады. Қатысушылар екі ЖОО арасындағы стратегиялық әріптестік жобасы өзінің тиімділігін дәлелдегенін атап өтті. Биыл Аризона университетімен бірлескен бағдарламалар бойынша 31 және екі дипломдық бағдарламалар бойынша 98 студенттің алғашқы бітіруі өтеді. Онда Қазақстан, Ресей, АҚШ, Қытай, Моңғолиядан барлығы 1200-ден астам адам оқиды. Серіктестікте геномика, күкіртті полимерлеу, су ресурстары, агротехнологиялар саласында перспективалы ғылыми жобалар іске асырылуда.
Сапар барысында Аризона Университетінің өкілдері екі дипломдық бағдарлама түлектерімен кездеседі, Петропавлдың бірқатар мәдени нысандарын аралайды, сондай-ақ 20 жылдан астам уақыттан бері ЖОО археологтары зерттеу жүргізіп келе жатқан орта ғасырлық Ақ-Ирий қалашығын қазуға барады.