Студенттерге арналған Welcome Day
1 қыркүйекте Kozybayev University-нің бірінші корпусының алдындағы алаңда бірінші курс студенттеріне арналған салтанатты іс-шара өтті. Биыл 3 000-ға жуық студент біздің университетте жоғары білім алу жолын бастады. Олардың арасында 1 040 мемлекеттік грант иегері бар.
Студенттерді жаңа оқу жылының басталуымен Интернационалдандыру және халықаралық бағдарламалар жөніндегі Басқарма мүшесі Мансұр Әлімханов пен К. Байсейітова атындағы ҚазҰӨУ ректоры Ғалым Ахмедьяров құттықтады.
Биыл біздің оқу орны К. Байсейітова атындағы ҚазҰӨУ өкілдігінің алғашқы студенттерін қарсы алды: 97 студент университетіміздің қабырғасында білім алатын болады.
Салтанатты іс-шара барысында бірінші курс студенттері бір-бірімен танысып, жақсы музыкадан ләззат алып, көтеріңкі көңіл-күйге бөленді.
Өткен жылмен салыстырғанда Kozybayev University студенттер контингенті 18%-ға ұлғайып, 8 000-ға жуық студентті құрады. Білім алушылар қатарына алғаш рет Палестина, Пәкістан, Руанда, Иран және Индонезиядан келген жастар қосылып отыр. Осылайша студенттер географиясы 21 елге дейін кеңейді.
ЖОО-да 160 білім беру бағдарламасы жұмыс істейді. Докторантураның 7, магистратураның 3 жаңа бағыты ашылды.
Бұл оқу жылы білімге, жаңа достар мен зор мүмкіндіктерге толы болсын!
Бірінші курс студенттері - кош келдіңіздер!
Студенттер -жаңа оқу жылы құтты болсын!
Әрқайсыңызды Kozybayev University отбасында көруге қуаныштымыз!
