Университет ұжымы QS 2028 рейтингі цикліне қатысу мәселесін талқылады

Kozybayev University-де QS (Quacquarelli Symonds) рейтинг агенттігінің өңірлік директоры Сергей Христолюбовпен кездесу өтті. Кездесу университеттің QS 2028 халықаралық рейтингісінің цикліне қатысу мәселелеріне арналды.

Іс-шараға университет Басқарма мүшелері, факультет декандары, департамент директорлары және кафедра меңгерушілері қатысты.

Кездесу барысында университеттің QS рейтингінің кезекті кезеңіне дайындық мәселелері талқыланды. Атап айтқанда, бағалау әдістемесі мен рейтингтің негізгі индикаторларындағы өзгерістер, университеттің негізгі көрсеткіштер бойынша қазіргі позициясы, сондай-ақ халықаралық рейтингте ескерілетін бағыттар бойынша нәтижелілікті арттыру тәсілдері қарастырылды.

Kozybayev University көрсеткіштерін талдауға, университеттің мықты тұстары мен одан әрі дамыту қажет бағыттарын анықтауға ерекше назар аударылды. Сергей Христолюбов деректермен жұмыс істеу бойынша ұсыныстарын ұсынып, рейтингтің келесі циклдеріне дайындық аясында университеттің құрылымдық бөлімшелері жүзеге асыра алатын практикалық қадамдарды атап өтті.

Kozybayev University халықаралық білім беру кеңістігіндегі өз позициясын нығайту және университеттің бәсекеге қабілеттілігін арттыру бағытындағы жүйелі жұмысын жалғастыруда.