БҰҰДБ-ның климаттық тәуекелдерді бағалау бойынша оқыту семинарлары

Осы аптада Қазақстан Республикасы Экология және табиғи ресурстар министрлігінің жобасы аясында, Қазақстандағы Біріккен Ұлттар Ұйымының Даму бағдарламасының (БҰҰДБ) қолдауымен Kozybayev University-де «Бейімделуді жоспарлауды институционализациялау және Қазақстанның даму үдерістерін жоспарлауға климаттық тәуекелдерді интеграциялау арқылы ұлттық бейімделуді жоспарлаудың дәйекті саясаты шеңберінде бейімделу шараларын іске асыруды қамтамасыз ету» атты ауқымды халықаралық жоба жүзеге асырылды.

Университетте климаттық тәуекелдерді бағалау мәселелеріне арналған оқыту семинарлары ұйымдастырылды.

Бағдарлама төрт күндік оқытуды қамтыды. Алдымен БҰҰДБ сарапшылары Әділет Ткенов пен Сәулет Сәкенов ауыл шаруашылығы, су ресурстары, орман шаруашылығы және төтенше жағдайлар салаларындағы климаттық тәуекелдерді бағалау мәселелері бойынша оқыту іс-шараларын өткізді.

Одан кейін алынған білім, дағдылар мен құзыреттер негізінде университет өкілдері БҰҰДБ сарапшыларының қолдауымен оқу модулін білім беру үдерісіне енгізу жұмыстарын жүргізіп, өз студенттеріне дәріс сабақтарын өткізді.

Бағдарламаға профессор-оқытушылар құрамы (ППҚ), академиялық үйлестірушілер мен білім беру бағдарламаларының әдіскерлері, оқу-әдістемелік кешендерді әзірлеушілер, экология және тұрақты даму саласындағы бейінді кафедралардың басшылары мен қызметкерлері, сондай-ақ ғылыми қызметкерлер қатысты.

Оқу аяқталғаннан кейін барлық қатысушыларға сертификаттар табысталды.