СҚУ ғалымы Ерназ Ермек University of Arizona университетінде ғылыми тағылымдамадан өтуде

М. Қозыбаев атындағы СҚУ-дың Азық-түлік қауіпсіздігі кафедрасының қауымдастырылған профессоры, университет ректорының ғылым және инновациялар жөніндегі көмекшісі Ерназ Ермек АҚШ-тағы University of Arizona университетінде халықаралық ғылыми тағылымдамасын бастады.

2026 жылғы 1 қазаннан 2027 жылғы 1 шілдеге дейін Ерназ Ермек «Болашақ» бағдарламасы аясында Department of Chemistry & Biochemistry бөлімінде Research Scholar мәртебесінде ғылыми-зерттеу жұмыстарын жүргізеді. Жобаның ғылыми жетекшісі - профессор Jeffrey Pyun.

Зерттеу тақырыбы - «Күкірт негізіндегі инновациялық полимерлерді әзірлеу және оларды өнеркәсіпте қолдану».

Зерттеу жаңа күкіртқұрамды полимерлік материалдарды зерттеуге және оларды өнеркәсіпте одан әрі қолдану мүмкіндіктерін қарастыруға бағытталған.

Бұл бағыт СҚУ үшін де ерекше маңызға ие. Ерназ Ермектің ғылыми зерттеулері аграрлық шикізатты өңдеу, крахмал, биологиялық ыдырайтын материалдар, азық-түлік қауіпсіздігі және қалдықсыз технологиялармен байланысты.

University of Arizona-да алған жаңа білім мен тәжірибе осы бағытты кеңейтіп, университет базасында жаңа ғылыми жобаларды дамытуға мүмкіндік береді.

University of Arizona - СҚУ-дың 2022 жылдан бері стратегиялық серіктесі.

Бүгінде ынтымақтастық бірлескен білім беру бағдарламаларын, академиялық ұтқырлықты және ғылыми жобаларды қамтиды.

Ерназ Ермектің тағылымдамасы - осы серіктестіктің тағы бір нақты нәтижесі. Сонымен қатар бұл полимерлер химиясы, материалтану және оларды өнеркәсіпте қолдану салаларында жаңа құзыреттерді дамытуға жол ашады.