2021 жылғы 12 сәуірде сағат 15.00-де М. Қозыбаев атындағы Солтүстік Қазақстан университетінің "Рухани жаңғыру" әлеуметтік-гуманитарлық зерттеулер институты "Рухани жаңғыру" бағдарламасының төрт жылдығына арналған "Рухани жаңғыру-қазіргі кезеңдегі Қазақстан дамуының маңызды бағыты" тақырыбында ғылыми – тәжірибелік семинар өткізеді.
Жоспарланып отырған ғылыми-тәжірибелік семинарға: Рахметова Асем Калашбаевна, "Nur Otan" партиясы облыстық филиалы төрағасының бірінші орынбасары, Баймулдина Раушан Ауыпжановна, "СҚО әкімдігінің ішкі саясат басқармасы" КММ "Қоғамдық даму және ақпарат орталығы" КММ басшысы, Мусагажинова Айгерим Александровна, этнограф, Қазақстан Республикасы Ұлттық музейі жанындағы "Халық қазынасы" ҒЗИ дәстүрлі мәдениет бөлімінің басшысы және Тоқшылық Ерлан Бейсенұлы, "QAZAQSTAN" РТРК АҚ Солтүстік Қазақстан облыстық филиалының директоры, СҚО бойынша облыстық мәслихаттың депутаты қатысады.
Елбасы Н.Ә. Назарбаевтың "Болашаққа бағдар: Рухани жаңғыру" атты бағдарламалық мақаласында мәдениетті, ұлттық кодты сақтау – жаңғыру шарттарының бірі ретінде қарастырылады. Бұл ретте тарихи тәжірибе мен дәстүрлер қазақстандық қоғамды жаңғыртудың аса маңызды алғышарттары ретінде қарастырылады. Сондықтан, осы ғылыми-тәжірибелік семинар аясында "Рухани жаңғыру" бағдарламасының қоғамдық сананы жаңғыртудағы маңыздылығы мен үлесін талқылау жоспарлануда.
Өтетін орны – «Абайтану» ғылыми-әдістемелік орталығы (248 ауд./ № 3 ОК)