2020 жылдың 10 желтоқсанында, сағат 15.00-де М.Қозыбаев атындағы Солтүстік Қазақстан университетінде «Алтын Орда тарихын зерттеу мәселелері: тарихи дереккөздерді анықтау және түсіндіру» атты Халықаралық ғылыми-тәжірибелік конференциясы өтті. Конференция «Алтын Орда мен Алтын Ордадан кейінгі мемлекеттердің хан жарлықтары мен хаттарын іздеу (эвристика) және сыныптау» атты Қазақстан Республикасынын ғылым және білім Министрлігінің Ғылым комитетінің гранттық жобасы аясында «Рухани жаңғыру» ӘГЗИ ұйымдастырылады. Конференция бағдарламасы үш секция бойынша өткізіледі:
1. ХХІ ғасырдағы Алтын Орда тарихының дереккөздерін анықтау және түсіндіру;
2. Алтын Орданың мәдени-тарихи мұрасын зерттеудің дәстүрлері мен жаңа тәсілдері;
3. Алтын Орда тарихының мемлекеттілікті дамытудағы рөлі мен маңызы.
Конференцияның негізгі мақсаты Алтын Орда тарихы бойынша дереккөздерді анықтау және түсіндіру, Алтын Орда дәуірін зерттеудегі тарих ғылымының заманауи үрдістері туралы кең ауқымды мәселені талқылау.
Конференцияның жұмысына Қазақстан, Ресей, Түркияның түрлі ғылыми зерттеу институттарынан танымал және жас ғалымдары қатысты. Конференцияның пленарлық отырысына белгілі ғалымдар: ҚР ҰА академигі, Халықаралық қыпшақтану Институтының директоры Көмеков Б.Е., ҚР ҰА корреспондент-мүшесі, т.ғ.д., Тарихи материалдарды зерттеу бойынша Республикалық ақпараттық орталықтын директоры Әбусеитова М.Х., заң ғ. к., доцент Почекаев Р.Ю., Түркия Республикасынын Кастамону Университетінің Ғылым және әдебиет кафедрасының доценті Килдирогли Мехмет, Таулы Алтай университетінің алтаистика және түркология факультетінің деканы, ф.ғ.к. Сарбашева С.Б., Таулы Алтай университетінің доценті, ф.ғ.к. Чочкина М.П., т.ғ.д., Алтай мемлекеттік университетінің шығыстану кафедрасының меңгерушісі Лысенко Ю.А., «Ғылым Ордасы» РМК сирек кездесетін кітаптар мұражайы Тұяқбаев Ө.О., т.ғ.д., Л. Гумилев атындағы ЕҰУ профессоры Кушкумбаев А.К., т.ғ.к., «Рухани жаңғыру» әлеуметтік-гуманитарлық зерттеулер Институтының директоры Картова З.К., т.ғ.к., М.Қозыбаев атындағы СҚУ доценті Плешаков А.А. қатысады.