JGU — 2009 жылы құрылған Үндістандағы жетекші жеке көпсалалы университеттердің бірі. Оқу орны QS рейтингтерінде жоғары орындарға иеленіп, құқықтық және әлеуметтік ғылымдар бойынша Үндістандағы №1 жеке жоғары оқу орны ретінде танылған. Университет ағылшын тілінде оқытумен және халықаралық құрамымен ерекшеленеді. Бүгінде мұнда 100-ден астам елдердің 16000-нан астам студенттері оқиды. Ал ұжымдағы 1100 оқытушының шамамен 14% - шетелдік мамандар құрайды. JGU-дың Институционалдық даму және стратегиялық жаһандық өзара іс-қимыл кеңсесінің директоры, профессор Рахул Бхандари екі университет арасындағы ықтимал серіктестік бағыттары туралы айтты. Ынтымақтастықтың негізгі бағыттарының бірі — студенттердің академиялық алмасуы. Әзірге осы бағдарлама аясында JGU-де қазақстандық студенттер білім алмайды. Сонымен қатар, үнді университеті заң саласы профессорларына арналған алты күндік интерактивті құқықтық воркшоп ұйымдастырады. «Бізде 30-дан астам елден 100-ге жуық профессорлар мен оқытушылар бар. Олар 30 күндік ғылыми тағылымдамадан өтіп, осы уақыт ішінде бірлескен зерттеулер жүргізеді. Олардың қатарында Қазақстаннан келген екі оқытушы да бар. Біз бұл нәтижелі жұмысты жалғастыруға дайынбыз. Сонымен қатар, тағылымдамаға қатысты тұру, тамақтану және зерттеу шығындарын толығымен жабамыз», - деп атап өтті Рахул Бхандари. Интернационалдандыру және халықаралық бағдарламалар жөніндегі Басқарма мүшесі Мансұр Әлімханов университеттің Медициналық факультетінде бірнеше жылдан бері Үндістаннан келген студенттер білім алып жатқанын атап өтті. Биыл оқу орны жаңа шетелдік талапкерлерді қабылдауға дайындалуда.

Жоғары оқу орнында «Серпін» бағдарламасы аясында білім алып жатқан Тіл және әдебиет институтының «Шет тілі: екі шет тілі» білім беру бағдарламасының бітіруші 4 курс студенттері үшін дөңгелек үстел ұйымдастырылды. Шараға ҚР Мемлекеттік қызмет істері агенттігінің СҚО бойынша департаментінің, СҚО Еңбек мобильділігі орталығының, СҚО жұмыспен қамту және әлеуметтік бағдарламалар басқармасының өкілдері мен партия , қалалық қоғамдық кеңестің мүшелері және университет басшылығы жиналды. Күн тәртібінде серпіндік түлектерді жұмыспен қамту мәселесі талқыланды. Аталған жоба еліміздің оңтүстік өңірлерінің жастарын кадр тапшылығы бар аймақтарда оқытып, білікті мамандар даярлауға бағытталған. Оқу ордамыз 2014 жылдан бері «Мәңгілік ел жастары – индустрияға!» жобасы аясында «Серпін – 2050» бағдарламасы бойынша мамандар даярлап келеді. Кездесу барысында қатысушылар бағдарламаның өңір үшін маңызын атап өтті. Дөңгелек үстелде серпіндік түлектерді өңірде тұрақтандыру, жастарды жұмыспен қамту, әлеуметтік қолдау және кәсіби бейімдеу мәселелері қозғалды. Студенттер өз ұсыныстарын айтып, мемлекеттік органдар мен жұмыс берушілер тарапынан қойылған сұрақтарға жауап алды. «Жұмыс күшінің ұтқырлығын арттыруға бағытталған ерікті қоныс аудару бағдарламасы аясында білім алушыларға бірқатар жеңілдіктер қарастырылған. Біздің тарапымыздан баспана сатып алу үшін 7 млн теңге көлемінде сертификат беріледі. Егер өңірде қалып, еңбек етуге шешім қабылдасаңыздар, сіздерге осындай қолдау көрсетіледі. Сонымен қатар, ауылдық жерлерге жұмысқа орналасқан жағдайда, баспана тапқанға дейін коммуналдық төлемдер мен жалға алу шығындарын бір жыл көлемінде өтеуге көмек беріледі»,-деді СҚО Еңбек мобильділігі ортлығының маманы  Бахытгуль Болыспаева Бүгінде Қозыбаев университетінде «Серпін» бағдарламасы бойынша 146 студент білім алуда. Биыл педагогикалық бағыт бойынша 47 түлек оқуын аяқтайды. Қазіргі таңда СҚО-да педагогикалық мамандарға сұраныс жоғары. Өңірде осы сала бойынша 800-ден астам маман тапшы. Бұл серпіндік түлектердің еңбек нарығында сұранысқа ие екенін көрсетеді. Жиын соңында қатысушылар «Серпін» бағдарламасы жастарға сапалы білім алуға мүмкіндік беріп қана қоймай, өңірлердегі кадр тапшылығын азайтуға, әлеуметтік тұрақтылықты нығайтуға және жастарды жұмыспен қамту мәселесін тиімді шешуге ықпал етіп отырғанын атап өтті.

Қозыбаев университетінің білім беруді аккредиттеу жөніндегі Орталық Азия қауымдастығының (CAAAE) сараптамалық тобы өз жұмысын бастады. Екі күн ішінде университеттің 7 Білім беру бағдарламасының сапасын бағалау жүргізіледі: * 6B01601 Тарих; * 6B07101 Машина жасау; * 7M07101 Машина жасау; * 6B01506 География; * 6B06106 басқарудағы ақпараттық жүйелер ҚББ; * 6B06203 Электроника және телекоммуникациялар ҚББ; * 6B01103 Білім берудегі психология ҚББ. Мамандандырылған аккредиттеу рәсімі шеңберінде сарапшылар білім беру бағдарламаларының мазмұнымен, материалдық-техникалық базасымен, ғылыми және оқу қызметінің нәтижелерімен танысады, сондай-ақ университет басшылығымен, оқытушылармен, студенттермен және жұмыс берушілермен кездесулер өткізеді. Аккредиттеуден өту мамандарды даярлау сапасын растаудың және университеттің білім беру қызметін одан әрі дамытудың маңызды кезеңі болып табылады.

6–10 мамыр аралығында Ақтау қаласында қатарынан жазғы көпсайыстан екі Қазақстан Чемпионаты (жүзумен үшсайыс және күштік гимнастикамен үшсайыс) және Маңғыстау облысының екісайыс бойынша Чемпионаты  өтті. ЖОО командасы Солтүстік Қазақстан облысының құрамасы атынан өнер көрсетті. Біздің студенттер мен магистранттар 18 медаль жеңіп алды: (13 алтын, 4 күміс және 1 қола)! Жалпыкомандалық есепте университеттің спорт клубы бірінші орынды иеленді. Аталған чемпионаттардағы үздік нәтижені магистрант Никита Изотов көрсетті. Ол 6 алтын медаль жеңіп алып, абсолюттік біріншілікте оныншы рет Қазақстан Республикасының мықты полиатлоншысы атанды. Бұл — университет құрамасы тарихындағы ең жоғары жетістік! ФКС-23-3 тобының үшінші курс студенті Мария Павлова да жоғары нәтиже көрсетті. Мария 4 алтын медаль иеленіп, қыздар арасындағы абсолютті біріншілікте үшінші рет жеңімпаз атанды. ФКС-22 тобының студенті Данила Свиржевский қоржынға 3 күміс медаль әкелді. Магистрант Юлия Безушко үшінші орынға ие болды. Ал ФКС-25-3 тобының студенті Алихан Тастанбеков күміс жүлдегер атанып, осы Чемпионатта СШҮ нормативін орындады.   Ардагерлер санатында аға оқытушы және команданың жаттықтырушысы – А. В. Наумов өнер көрсетіп, 3 алтын медаль жеңіп, ел чемпионы мәртебесін алпысыншы рет растады! «Жанель Нуралина 4-ші орынға ие болды. Алайда оның командалық есепке қосқан ұпайларының арқасында біздің спорт клубымыз чемпион атанды! Университет басшылығына студенттік спортты қолдап, командаға жан-жақты жағдай жасап, облыстың жетекші спортшыларына грант бөлгені үшін үлкен алғысымызды білдіреміз!»,- деді жаттықтырушы Александр Наумов.   Спортшылар мен жаттықтырушыларды құттықтаймыз! Жаңа спорттық биіктерді бағындыра беріңіздер!

Қозыбаев университетінің студенттері Отан қорғаушылар күніне арналған қазақ күресінен «Қызылжар Барысы» облыстық турнирінде жоғары нәтижелер көрсетті. Сапарғали Досжан-55 кг салмақ дәрежесінде жеңімпаз, ФКС-23-к. Ильбисинов Руслан-74 кг салмақ дәрежесінде жеңімпаз,  ФКС-23-к. Калелов Мухамед-74 кг салмақ дәрежесінде II орын, ФКС-22-1. Динер Дмитрий – «Түйе палуан» жарысында II орын, ФКС-22-1. Мурзаш Әділет – «Түйе палуан» жарысының жеңімпазы, ФКС-23-к. 2026 жылғы Қазақстан чемпионы Әділет Мурзаш пен әлем Кубогының жүлдегері Дмитрий Динер абсолютті салмақ дәрежесінде финалға шықты! Нәтижесінде Әділет «Қызылжар Барысы» облыстық турнирінің жеңімпазы атанды! Енді спортшылар Астана қаласында өтетін «Қазақстан Барысы-2026» республикалық турнирінде СҚО атынан өнер көрсетеді! Сәттілік тілейміз!

Kozybayev University мен University of Arizona-ның «Биотехнология» бағыты бойынша қос диплом бағдарламасының 4-курс студенті Амир Агзамов University of Arizona Ауыл шаруашылығы, өмір және қоршаған орта ғылымдары колледжінің Distinguished Senior Award («Үздік түлек») марапатына ие болды. 7 мамыр күні University of Arizona бас кампусында салтанатты қабылдау рәсімі мен колледждің үздік түлектерін марапаттау кеші өтті. Амир беделді марапаттың иегері ретінде арнайы шақырылды. Құттықтаймыз!

Петропавл қаласының Мәдениет және демалыс саябағында Отан қорғаушылар күніне арналған «Рух пен жігер» жеңіл атлетикалық жарысы бойынша Университеттің ашық біріншілігі өтті. Додаға қаламыздың ЖОО мен колледждерінің 150-ден астам студенттері қатысты. Қыздар 1000 метр және ұлдар 2000 метр қашықтықта бақ сынасты. Іс-шара СҚО қоғамдық даму және ақпарат орталығымен бірлесіп ұйымдастырылды. Жарыстың мақсаты: мықты және перспективалы спортшыларды анықтау, білім алушылардың бос уақытын ұйымдастыру, ҚР Универсиадасына қатысу үшін құрама командаларды қалыптастыру. Сайыс қорытындысы бойынша қыздар арасында жеңімпаз атанды: 1 орын-Милана Поносова, ФКиС-25-3; 2 орын - Карина Балябкина, Жоғары Солтүстік Қазақстан кәсіптік-педагогикалық колледжі; 3 орын-Марина Жудра,  ФКиС-25-3. Ұлдар арасында орындар келесідей бөлінді: 1 орын-Глеб Луценко, Жоғары Солтүстік Қазақстан кәсіптік-педагогикалық колледжі; 2 орын-Павел Коньков, ФКиС-25-3; 3 орын-Ерканат Жумабек, Жоғары Солтүстік Қазақстан кәсіптік-педагогикалық колледжі. Жеңімпаздарды құттықтаймыз! Жарыстың барлық қатысушыларына алғыс айтамыз!

Солтүстік Қазақстан облысына жұмыс сапары аясында ҚР жасанды интеллект және цифрлық даму вице-министрі Мәлік Олжабеков ЖОО-ға келді. Ол университеттің IT-инфрақұрылымымен және цифрлық шешімдерді енгізу жобаларымен танысты. Басқарма Төрағасы –Ректор Ербол Исақаев университеттің қызметі туралы айтып өтті. Бүгінгі таңда Қозыбаев университетінде ЖИ және цифрлық технологиялар саласында бірнеше ірі ғылыми жобалар іске асырылады. Аризона университетімен стратегиялық әріптестік қарапайым күкіртті полимерлеу, су ресурстарын зерттеу және азық-түлік қауіпсіздігі бағыттарында озық ғылыми жобаларды дамытуға қуатты серпін береді. ГАЖ технологиялары зертханасында мамандарды даярлау және жерді қашықтықтан зондтау бойынша зерттеулер жүргізіледі. Университет оқу дрондары мен ұшақ типіндегі өнеркәсіптік құрылғылармен жабдықталған. Негізгі серіктес — Geoscan Kazakhstan компаниясы. Вице-министрге өңірдегі ЖОО базасында шағын көлемді антенна орнату арқылы космомониторинг орталығын құру жөніндегі бірлескен жоба таныстырылды. Бұл бастама студенттерге спутниктермен нақты уақыт режимінде байланыс орнатып, деректерді қабылдап, өңдеуге, әрі болашақта өздерінің нано-спутниктерін әзірлеуге мүмкіндік береді. Мәлік Олжабеков елімізде отандық жоғары оқу орындарының базасында ҰҰА әзірлеуді жүргізу қажет екенін атап өтті: «Ғылымды дамытып, дрондарды зерттеуге назар аудару маңызды.Студенттер үшін бұл тақталар мен бағдарламалық жасақтаманы әзірлеу дағдыларын меңгеруге жақсы мүмкіндік». Сонымен қатар, вице-министрге Tomorrow School аясында әзірленген студенттік жобалар ұсынылды. Олардың қатарында ЖИ негізіндегі сотталғандарға арналған құқықтық кеңесші: қылмыстық-атқару жүйесі мекемелеріндегі азаматтардың бейнетаксофондар арқылы өзекті құқықтық ақпаратқа қауіпсіз әрі бақыланатын түрде тең қол жеткізуін қамтамасыз етеді. Сондай-ақ жол-көлік оқиғалары деректерін талдау арқылы қауіпті аймақтарды айқындайтын және жауапты органдарға нақты ұсынымдар ұсынатын жолдардағы зияткерлік картасы таныстырылды.

ҚР Қарулы Күштерінің құрылғанына 34 жыл толуына байланысты Қозыбаев университетінде – Отан Қорғаушылар күніне арналған салтанатты шара өтті. Университеттің № 1оқу корпусының бас алаңында Әскери кафедраның 90-нан астам студенті ант қабылдап, запастағы әскери қызметшілердің қатарын толықтырды.  Рәсімге университет басшылығы, ӘК офицер-оқытушылар құрамы мен білім алушылар, ата-аналары мен туыстары жиналды. Іс-шараның мақсаты – әскери дайындықтан өткен жастардың Отан алдындағы парызын орындау, студенттердің бойында патриоттық сезімді қалыптастыру,  елге адал қызмет етуге тәрбиелеу. Салтанатты шарада саптық марш, патриоттық әндер орындалды, сондай-ақ ҚР Ұлттық ұлан Академиясының курсанттары карабиндермен дефиле тәсілдерін көрсетті. Әскери ант бұл- ел алдындағы үлкен жауапкершілік, адалдық пен намыстың белгісі. Осы орайда  әскери-патриоттық тәрбиеге қосқан елеулі үлесі мен мінсіз қызметі үшін және Отан қорғаушылар күніне орай СҚО Әкімінің құрмет грамотасымен әскери кафедра бастығы, запастағы полковник Саржанов Рабирт Жанибекович және СҚУ Басқарма Төрағасы – Ректорының құрмет грамотасымен Әскери кафедра қызметкерлері мен оқытушылары марапатталды. Оқудағы үздік көрсеткіштері мен үлгілі тәртібі үшін СҚУ Басқарма Төрағасы – Ректорының құрмет грамотасын 11 студент иеленді. Университеттің қоғамдық өміріне белсене араласып, жауапкершілік танытқаны үшін және студенттік ортаның дамуына қосқан үлесі үшін Алғыс хатпен 8 білім алушы марапатталды. Жоғары оқу орнымыздағы Әскери кафедраның оқу бағдарламасы жан-жақты практикалық дайындықты да қамтыды. Студенттер запастағы офицерлерді даярлау бойынша «жалпы әскери бөлімшелерді, бөлімдер мен құрамаларды жауынгерлік қолдану», «аумақтық қорғанысты жоспарлау және ұйымдастыру», «ұйымдастыру-жұмылдыру жұмысы» мамандықтары бойынша оқыды. Запастағы сержанттарды даярлау бойынша «атқыштар» мамандығы бойынша даярлықтан өтті. Сонымен бірге көшбасшылық қасиеттерін шыңдайды.

ЖОО-да көрнекті ғалым Манаш Қозыбаевтың 95 жылдығына арналған  «KU AWARD» – Манаш Жұлдызы шарасы өтті. «KU AWARDS» — бұл студенттердің оқу, ғылым, спорт және шығармашылықтағы жетістіктерін дәріптей отырып, академик М. Қозыбаев қалыптастырған ғылымның биік құндылықтарына негізделген, университеттің жаңа тарихын қалыптастыруға бағытталған құрмет белгісі. Байқау қорытындысы бойынша жеңімпаздардың есімдері анықталды: * «Жылдың үздік студенті» (Гран-при) — Лейла Берикова * «Ғылыми серпіліс» - Алуа Бекбаулова • «Волонтерлік үлес»- Жайна Жалғасбай * «Спорттық жетістік» - Әділет Мурзаш * «Шығармашылық әлеует» - Нұрхан Маханов * «Жылдың ашылуы» - Дениэл Эдилов * «Көшбасшы староста» - Айганым Гинаят * «Үздік ұйым» — Жастар жұмысы жөніндегі комитет * «Көрермендер көзайымы сыйлығы » - Асет Ибадулла Әр номинация бойынша жеңімпаздар 50 000 теңгеден, гран-при иегері – 100 000 теңгеден, сондай-ақ демеушілерден жүлделер алды. Сайысқа қатысушылар мен серіктестерге алғыс айтамыз! Құттықтаймыз!