«Отан» деген бір ғана қысқа сөзде қандай асқақ мағына жатыр. Әр адам үшін бұл сөздің әртүрлі мағынасы бар.
Туған жер туралы ойлағанда, біз өзіміз туып-өскен ұлы, ғажап елімізді еске түсіреміз. Туған жерге деген сүйіспеншілікті бала кезімізден ата-анамыз, тәрбиешілеріміз, ұстаздарымыз бойымызға қондырады. Аса маңызды оқиғалар, көрнекті тұлғалар, олардың ерліктері мен ұлы істері туралы әңгімелер ұрпақтан-ұрпаққа жалғасып келеді. Сондықтан туған жер туралы ойлағанда, өткен және бүгінгі күннің қаһармандары, атақты жазушылар, ақындар, күйшілер, өнер адамдары туралы ойлаймыз. Мұның бәрі – біздің тарихымыз, бәрі – біздің Отанымыз.
Қазақстан Жазушылар одағының мүшесі Филонов Кирилл Николаевич «Қызықты адамдар клубы» жобасының тыңдаушыларымен «Отан» ұғымының астында қандай мағына жатқанымен бөлісті.
Ол өзінің бірқатар шығармаларын («Жақын адамдар» және «Есімде қалғаны») ұсынды, онда автор өз кейіпкерлерінің ойлары мен іс-әрекеттері арқылы патриотизм мен туған жерге деген сүйіспеншілікті көрсетеді.
Филонов К.Н. облыстық тарихи-өлкетану мұражайы базасында жұмыс істейтін Солтүстік Қазақстан облысы әдеби бірлестігінің мүшесі, Петропавл қаласындағы №10 орта мектепте оқушыларға арналған жазу үйірмесін жүргізеді.
Жастармен жұмыс істеу барысында Филонов К.Н. аз да болса мейірімді болып, ешқайда кетпей, жасампаз болып, болашаққа жол ашып, Қазақстанды ұлты мен дініне қарамастан осында тұратын барлық адамдар үшін жылы шаңыраққа айналдыруын тілейді.
Монологты көру үшін мына сілтемеге өтіңіз