Displaying 2961-2970 of 3288 result(s).
Халықаралық әлеуметтік педагог күні
Қазіргі заманауи динамикалық дамып келе жатқан қоғам айналасындағы адамдарға, олардың көзқарастары мен ұстанымдарына үлкен әсер етеді. Салауатты қоғам – мемлекетті, әрбір адамды толғандыратын мәселе. Мұндай қоғамды құрудың ең маңызды буыны – өскелең ұрпақтың бойында этикалық ұстанымдар мен өмірлік көзқарастарды қалыптастыру. Бұл маңызды міндетті әлеуметтік педагог жүзеге асырумен айналысады. Әлеуметтік педагог деген кім? Бұл ересектер мен балалар арасындағы делдал. Әлеуметтік педагог баланың құқықтарын қорғаушы және тәлімгер рөлін атқарады. Әлеуметтік педагог мектептерде, балалар үйінде, интернаттарда, оңалту орталықтарында және әлеуметтік қызметтерде жұмыс істейді. Оның жұмысының ең өзекті бағыттарының бірі – балалар мен олардың ата-аналарына әлеуметтік-педагогикалық қолдау көрсету. Әлеуметтік педагогтың күнделікті міндеттеріне қиын жасөспірімдермен, қолайсыз отбасы балаларымен, өмірлік қиын жағдайға тап болған балалармен жұмыс кіреді, өйткені әлеуметтік педагог жұмысының негізгі қағидасы – әлеуметтену жағдайында тәрбиелеу болып табылады. Әлеуметтік педагог ретінде жұмыс істеу үшін сізде арнайы жоғары біліммен қатар, әр түрлі санаттағы балалармен жұмыс істеуге, әр балаға бейімделуге, оның ішкі әлемін түсінуге, мәселенің шешімін табуға және оны жеңу жолдарын дамытуға деген ұмтылыс, шыдамдылық ынта болуы керек. 2023 жылдың 2 қазанында ББ 6В01801 «Әлеуметтік педагогика және өзін-өзі тану» және 6В01802 «Әлеуметтік педагогика» мамандығының оқытушылары мен студенттері әлеуметтік педагог жұмысының ерекшеліктерін еске түсіру және Халықаралық әлеуметтік педагог күнінің 15 жылдығын атап өту үшін кездесті. Арнайы және әлеуметтік педагогика кафедрасының профессорлық-оқытушылар құрамы студенттерді кәсіби мерекелерімен құттықтай отырып, болашақта олардың барлық жобалары мен идеяларын шынайы өмірде қолданылуын тілейді.
3074307530763077307830793080308130823083
