Қозыбаев университетінде 1 мыңнан аса қызметкер жұмыс істейді. Нәтижелі, әрі сапалы жұмыс көрсету және шығармашылыққа деген қызығушылықты арттыру үшін ЖОО-да «Айдың үздік қызметкері» атты байқау ұйымдастырылды. Комиссия құрамына кірген университетіміздің әкімшілік қызметкерлері мен оқытушылары қатысушыларға әділ бағаларын беріп, үздіктерді анықтады. Байқауға біздің ЖОО-ның арнайы лауазымы бар қызметкерлері қатыса алады. Олардың қатарына бөлім мамандары, басшылары, мұрағатшылар, әдіскерлер енеді.
Осылайша 4 айдың ішінде Қозыбаев университетінің 25 қызметкері «Айдың үздік қызметкері» атты 2021 жылғы байқауына қатысуға ниет білдірді. Байқауға қатысушылар өз жұмыстарын ұсынды. Қызмекерлер 5 критерий бойынша бағаланды. Атап айтсақ, атқарушылық тәртіп, еңбек тәртібі, корпоративті волонтерлік, рационализаторлық, яғни, жаңа тәсілдерді қолдана отырып, университет жұмысын одан әрі жақсарту, дамыту, және соңғысы университет жетістіктерін БАҚ және әлеуметтік желілер арқылы жариялау болды.
Байқау жұмыстары екі жолмен ұсынылды. Нәтижесінде соңғы төрт айдың 4 үздік қызметкерге анықталды. Олар, Нариман Гусейнов Экономикалық жоспарлау және қаржы департаментінің экономисті, Ольга Иванцова Академиялық қызмет департаменті бөлімінің әдіскері, Серік Тұрсынбаев Тәрбие және әлеуметтік жұмысы департаменті бөлімінің маманы, Валентина Кульжанова заң бөлімінің заң кеңесшісі. Жеңімпаздар 20 000 теңге көлеміндегі ақшалай сыйақыға ие болды.
«Аталмыш байқау Қозыбаев университетіндегі қызметкерлердің ғылыми-зерттеу және оқу-танымдық қызметін ынталандырып, сондай-ақ, жұмыс сапасын арттыру арқылы еліміздің зияткерлік әлеуетін қалыптастыру үшін ұйымдастырылады. Аталмыш сайыс арқылы біздің қызметкерлер парасаттылықтың адалдықтың үлгісіне айналды»-деді, байқауға қатысушы Серік Тұрсынбаев.
Жалпы конкурстағы қызметкерлерді марапаттау – ЖОО-ның ғылыми-инновациялық ортасын дамыту үшін зерттеулерді ынталандырудың маңызды қадамы болмақ.
