1 қыркүйектен бастап барлық курстардың студенттері, магистранттары мен докторанттары Қозыбаев университетінің қабырғасында қайта дәстүрлі түрде білім алады. Практикалық және зертханалық сабақтар университет аудиторияларында барлық санитарлық нормаларды сақтай отыра өткізіледі, деп жоспарланып отыр. Ал, студенттер дәріс сабақатарын адам санына байланысты online немесе offline режимінде де тыңдайтын болады. Білім алаушылар 25 тамыз күні сабақ кестесімен университеттің ресми сайтында таныса алады. Бұл туралы студенттерге академиялық мәселелер жөніндегі басқарма мүшесі Рената Апергенова мәлім етті.
«Сабаққа вакцинацияланған немесе вакцинациядан уақытша босату туралы медициналық қорытындысы бар білім алушылар мен қызметкерлер немесе әр апта сайын ПТР талдауының теріс нәтижесі көрсетілген анықтама қазақымен оқуға, не болмаса жұмысқа келе алды. 18 жасқа толмаған тұлғалар «Ashyq» жобасы арқылы ғана ғимаратқа кіретін болады. Сондай-ақ, Сovid - 19 вакцинациясының екі компонентін де алған университет студенттері үшін жеңілдіктер жүйесі бар, оған өтінішті 5 қыркүйекке дейін Қозыбаев университетінің студенттерге көмек көрсету орталығына беруге болады», - деп түсіндірді ол.
Студенттерді қызықтырған басты мәселелердің бірі – Қозыбаев университетінің жатақханасына орналасу. Басқарма төрағасының тәрбие жұмысы және әлеуметтік мәселелер жөніндегі міндетін атқарушы Нұрлан Байымбетов үміткерлер өтінішті 2021 жылдың 22 тамызына дейін бере алатынын айтты. Жатақханаға орналасқандардың тізімі 25-26 тамызда университеттің ресми парақшасында жарияланады. Бірінші курс студенттері 27 тамыздан, қалған студенттер 31 тамыздан бастап орналаса алады. Грант иегерлері үшін тұру құны айына 4200 теңге, ақылы негізде оқитын студенттер үшін 10 000 теңгені құрайды.
Қозыбаев университеті барлық санитарлық талаптарды сақтай отыра, студенттермен қайта қауышуға дайын!